上星期一 (20.8.12 )
去左參加
Clinique X Honey 零毛孔美肌教室
盛惠$200 (可全數換購產品), 一心諗住, 橫掂都想去Clinique 買野, 倒不如去上下堂, 聽下D收毛孔秘笈, 同埋攞埋價值$300 禮品啦~!
一去到就見到熟悉嘅產品放晒向枱面, 大會仲預備左飲品添~!
美肌教室中介紹左Clinique歷史同埋品牌理念, 原來Clinique第一間醫學美容嘅護膚品牌, 3 steps 中「潔膚水」個step 真係好吸引我, 因為用左佢就好似皮膚日日都keep 住好乾淨, 角質少左, 吸收力都會強左 :)
今次話明係零毛孔美肌教室, 所以都有機會一試今次嘅主角……(從左至右)
細緻毛孔無瑕霜
細緻毛孔控油補濕霜
細緻毛孔緊緻精華
未有機會試到長遠功效, 不過試上臉時覺得質感不錯, 因為出油嘅人就最怕「黏淋」感, 產品好清爽。
最值得讚係細緻毛孔無瑕霜, 因為控油效果真係好好, 妝前妝後用都得。
之前用過FANCL同類產品, 雖然都好控到油, 但用落就發現臉上泛起好似擦膠碎咁樣嘅野, 遠睇人地仲以為我甩皮, 去FANCL問過之後, 就叫我向用防曬或BASE之前用, 疑似擦膠碎少左, 不過都有, 但Clinique就冇呢個問題~!
不過都仲有一個問題, 雖然Clinique姐姐話用細緻毛孔無瑕霜後雅緻左, 但我就覺得係……暗啞左……但夏天用一用, 感覺又真係會舒服好多, 所以都係妝前用好D。
仲有機會試到 Clinique 嘅均衡完美礦物粉SPF15
礦物粉近來不同品牌都有出, 其實我都未用過, 但係我就唔係咁啱用, 用上後鼻位d粉好浮, 攪到一舊舊咁, 真係唔用好過用 一.一” 但係得我係咁, 隔離左右嘅朋友仔都冇事喎~!
經過與Clinique姐姐一齊研究之後 可能因為我鼻嘅角質層比較厚, 所以 “CAKE” 住左D礦物粉, 要勤力D做清潔同去角質護理先得~!!!
最後仲試埋滋潤亮彩唇膏筆
雖然Clinique姐姐話之前唔需要用潤唇膏, 直接塗上滋潤亮彩唇膏筆都已經夠潤, 不過其實我覺得有D乾, 有可能係因為用棉花棒塗唇彩嘅關係。
唔知點解加左一個環節係整相架, 我的作品~~~
最後, 大會的$300禮品就係……
卸妝15m l, 美白精華、防曬各7m l, 新嘅 mascara 2m l。其實我唔係好覺得呢set野值$300, Clinique 唔會計埋個相架掛 ?!
相對早前Clinique同 Cosmopolitan 攪果個 workshop, Clinique X Cosmopolitan 的禮品豐富好多。
不過禮品都係BONUS,
但係豐富D有真係會再開心D。
同埋, 其實我比較期待佢$300禮品中係會包括今次收毛孔LINE嘅PRODUCT, 始於上呢個WORKSHOP 都係因為想收毛孔呀MA, 所以有少少失望。
最後小結係, Clinique 的護膚品似乎都幾好 ^^ , 我都會試下, 不過化妝品呢, 就今次嘅經驗黎講, 又唔會令到我有意欲去買。
