好有特色嘅寒冬護理產品@Burt's Bees

Burt's Bees  呢個牌子細細個時已經見到, 連我阿媽都識, 認知上係一個出名嘅老品牌, 可以屹立咁多年一定有佢嘅原因, 所以都好想試下佢嘅野, 聽聞潤唇膏好用, 今終於都試左, 仲試埋 hand cream & cuticle cream 添~!

就係呢3位成員喇~!!!

抗敏草本修護手霜 Hand Salve  8.5g/$58

檸檬油護甲霜 Lemon Butter Cuticle Crème  8.5g/$64

巴西紫莓抗氧化潤唇膏Rejuvenating Lip Balm with Acai Berry  4.25g/$68

我最期待試 Burt's Bees 嘅潤唇膏, 不過, 今次想講左佢嘅hand cream先, 因為真係覺得越用越正呀~!!!

抗敏草本修護手霜 Hand Salve

平時用開嘅hand cream係吱得出來嘅, Burt's Bees呢罌 Hand Salve 質地有D「豬油膏」feel, 即係成舊硬硬地, 摸上手就油油地。

我冇咩耐性用手指慢慢抹, 所以我成罌直接卒上手, 又快又放便~~~

雖然我用「豬油膏」黎形容佢嘅質地好似唔係咁好聽, 但係似「豬油膏」原來係好好架, 呢種質地嘅Hand Salve 塗上手後, 真係對雙手形成左一層防水保護膜~!!! 

最啱就係洗碗前用~! 好似好跣水咁, 對雙手好保護~!!! 

用佢黎塗腳爭都好好, 不過唔係好捨得。

介紹另一位團友, 

檸檬油護甲霜 Lemon Butter Cuticle Crème

佢嘅質地冇hand salve 咁油, 比較膏狀一d, 每次手指攞到嘅份量唔係好多, 不過唔緊要, 塗手指邊每次少少份量都足夠。

平日向處理生倒刺呢一方面, 都冇話特別用d咩, 以前試過向d專賣指甲油嘅品牌中買過d專門防倒刺嘅 cream, 但都好似冇咩效, 所以都係用番d口啤好嘅 hand cream 就算,今次用左呢罌 Burt's Bees 嘅 cuticle cream, 感覺又幾好喎, 只係塗左1-2次, 倒刺明顯少左同冇左~!!!

雙手經過一輪修護後……靚晒~~~

到我最期待用嘅潤唇膏喇~

巴西紫莓抗氧化潤唇膏Rejuvenating Lip Balm with Acai Berry

密封設計就最鍾意~

潤唇膏蘊含石榴、蜂蠟及維他命 E 等天然滋潤劑, 塗上唇的感覺好滋潤呀, 又唔會太黏笠~!

唔用潤唇膏的話, 唇部當然好乾啦~

使用後咀唇滋潤有光澤, 呢枝潤唇膏冇防曬成份, 所以我通常會向夜晚用, 塗上厚厚的一層就瞓, 瞓醒之後咀唇就好柔軟有光澤喇~~~

老實說, Burt's Bees 嘅野都幾好用, 對我來說, 我仲覺得佢D野好貼心同創新、特別, 佢嘅抗敏草本修護手霜 Hand Salve就係一個好例子, 用左佢先洗野真係好好多~!

仲有仲有, Burt's Bees 產品成份天然, 用落都放心D~!

又搵到正野, really good~~~

又平又方便又係日本貨嘅卸妝@而家廣告成日見到嘅Bifesta

卸妝有幾咁重要我諗大家都知, 我曾經試過只係塗上base, 又懶又眼瞓, 唔止一次用清水洗完臉就瞓, 結果就緊係好靈驗咁, 第二朝即刻冒左幾粒朧頭出黎啦~! 

今次試一試又平又方便又係日本貨嘅Bifesta先~!

分別試左(如圖由左至右)……

Bifesta EYE MAKEUP REMOVER 高效眼部卸妝液
Bifesta CLEANSING LOTION SEBUM 速效卸妝潔膚水 (清爽型)
Bifesta CLEANSING SHEET MOIST 速效卸妝潔膚紙 (滋潤型)

卸妝前, 妝品包括：底霜、粉底、眉筆、眼線、眼影、睫毛液及唇彩。

重點講左Bifesta速效卸妝潔膚水 (清爽型)先, 因為我都唔會日日化眼妝, 所以對我來說, 卸妝潔膚水最常用~~~

官方介紹話:「佢含有綠茶萃取物, 可以收毛孔、又含有吸着性透明質酸, 有效鎖水保濕」~

「將潔膚水按2-3次向化妝棉上, 輕輕抹走臉上污垢同化妝殘漬。」

基本上輕輕抹一次係唔夠乾淨, 抹第2次都仲有明顯粉底, 用D力抹3次我就放心晒~!

跟住講番隻眼先, 用左Bifesta高效眼部卸妝液卸眼, 用之前要搖勻, 倒約 $5 份量落化妝棉, 輕按於眼。

官方資料:「蘊含維他命B及E, 輕柔呵護睫毛同時為眼部保濕。」

按指示輕按眼部數秒之後……

變左熊貓眼……

再抹下之後, 再將化妝棉摺起抹, 會乾淨D。

最後介紹埋懶人終極產品, Bifesta速效卸妝潔膚紙 (滋潤型), 同潔膚水同一功效, 「卸妝、潔膚、爽膚3合1」, 含有保濕潔淨因子、迷迭香萃取, 棉紙好柔軟, 平日嘅同類產品係黏貼封口, Bifesta的係用膠盒質地, 蓋得實好多, 又唔會咁易走氣, 攪到D棉紙乾晒~!

由於夠大塊, 所以左抹右抹之下, 一張都OK~~~ 

總結

• Bifesta速效卸妝潔膚水 (清爽型) 雖然要抹3次, 但我都覺得佢好方便, 因為Bifesta速效卸妝潔膚水可以一次過做齊卸妝、潔膚&護膚, 仲可以一路坐向梳化睇電視、一路卸妝、潔膚、護膚~! 
• 急起上黎朝早趕住出門口番工時, 都係一路揀衫一路抹…… 
• ~好~方~便~ :P
• 另外我試過用水再洗或唔過水, 過水的話塊臉真係會乾D, 不過即刻塗留臉都OK, 唔過水的話, 隔一陣都唔會乾、亦唔覺黏淋, 第2日起身冇敏感。
• 至於點樣用呢枝卸妝潔膚水最好, 就真係睇番自己需要, 冇時間的話, 就緊係就咁抹啦, 有左佢再冇時間都唔會唔卸妝, 但有時間的話, 我都會照洗臉, 再塗上一系列嘅護膚品。
• $50/300ml 都真係幾平, 不過我用得好快 :P
• Bifesta速效卸妝潔膚紙 (滋潤型)仲方便, 當然比起Bifesta速效卸妝潔膚水 (清爽型)的話就冇咁抵用啦~! $49/ 46 pieces~
• 而Bifesta EYE MAKEUP REMOVER 高效眼部卸妝液都好抵用, $48/145ml~~

自然不脫色@MAJOLICA MAJORCA Cream Pencil Liner柔滑霜狀眼線筆

畫左眼線之後最驚就係眨下眼就變左熊貓, 仲要係人人都知得自己唔知, 但係今次就唔同喇~! 

因為用左~~~

MAJOLICA MAJORCA Cream Pencil Liner~~~

Cream Pencil Liner有3隻色, 分別係深黑、莫卡啡同淺啡, 今次就試左深黑色。

一畫上手, 覺得好順滑, 不過緊係試上眼實際D啦~!

放番張妝前相先~~~
最想試下呢枝Cream Pencil Liner……
(1)易唔易用、(2)易唔易甩 (唔想做熊貓)、(3)有冇大眼效果、(4)有冇醒神效果及(5)望上去自唔自然、融唔融會到其它眼部代妝品。

畫左眼線喇~~
呢枝Cream Pencil Liner真係幾易畫同埋好上色喎~!
其實我化妝真係唔係好叻, 成日覺得要填滿睫毛嘅空隙好難, 不過用呢枝筆, 又真係易畫左好多喎~!!!

再塗埋少少眼影加上Mascara, 向我笨拙嘅化妝技巧下, 都覺得眼線同眼影好融和 :)

去完街番來喇~~
去左大半日啦, 眼尾甩左dd, 但冇甩落下眼簾喎, 非常好~!

總結:

• 呢枝眼線筆 $88, 好抵用~! 之前睇日本雜誌時, 已經見到佢排向頭3甲, 今次一試, 果然掂~ 
• Cream Pencil Liner 使用時好順滑所以好易畫, 可能因為Cream Pencil Liner 含有順貼蠟質嘅球狀粉末粒子, 最開心係睫毛嘅空隙都好易填。
• 用左Cream Pencil Liner後, 雙眼明顯大左同埋有神左, 而且可以同其它眼妝品融會, 最最最重要係眼線唔易甩, 唔會變熊貓~! 
• $88一枝, 真係可以用好耐~