保濕得來又清爽的防曬@REGENE 牛乳白滑透光淨亮乳液SPF 15 PA++

REGENE 這個品牌我早在十年多前已嘗試過, 尤記得當年的廣告是一位美女在雪地上走呢~~~

今次一試的是REGENE的牛乳白滑透光淨亮乳液SPF 15 PA++, 包裝真的很像一隻牛牛呢~~~ 很可愛~~~

這系列最主要係美白及保濕, 日間於潔面爽膚後可用上, 而我, 就當然係潔面爽膚後再用埋精華素先用啦~~~

開封後6個月內就好用晒佢喇~~~

吱吱裝, 建議吱出來時先“登一登”, 如果唔係就要吱空氣又或者吱到周圍都係。

乳液帶有微香, 微玉色的~~~ 初時仲以為乳液質地係杰杰地, 因為吱嘅時候都要“登一登”先會吱得好, 但原來是極易推出的~! 質地好幼滑, 延展性高~~~

另一點想講嘅, 就係估唔到REGENE呢枝乳液都有些少遮瑕作用, 未使用REGENE的牛乳白滑透光淨亮乳液SPF 15 PA++ 前的相片~

使用後, 毛孔黑頭冇咁明顯, 面上光澤感都增加左~~~

其實REGENE呢枝乳液遮瑕度唔算高, 只不過睇佢個樣同質地, 又估唔到佢都遮到D喎~~~ 如果你想比皮膚抖一抖, 咁呢枝又有防曬又有D遮瑕都出到街架~!

而我呢, 用完佢都係會再塗上 base, 一來我需要再遮多D醜。二來係, SPF 15 PA++, 在這個炎炎夏日, 真係會覺得唔足夠呢~~~ SPF 15 只足夠捱3-5小時~~~ 如果向浮層厚D嘅日子我先會單用。

而保濕度方面相當唔錯, 我平日塗防曬之前, 其實會先塗上精華&保濕gel, 但用REGENE呢枝乳液就絕對唔需要先加上保濕gel, 先塗上精華先可以的, 但保濕gel就真的不用再塗上了~~~

第一次用時按平日一樣先塗上精華&保濕gel, 就覺得有D “淋”, 次後skip 左保濕gel的步驟就好多了~! 有足夠保濕度之餘, 仲keep到清爽~!

愉悅香氣瘦身法@ Veld’s Nature Primale PRENDS MOI瘦身香水

每逢一到炎夏, 女孩子的話題總是離不開瘦身, 冬天可以遮遮掩掩的過關, 但夏天呢……就真是原形畢露~!

我是一個貪吃的大懶人, 跟運動算不上是朋友~~~
今次透過U Beauty, 能一試另一種瘦身方法~~~
就是使用 Veld’s Nature Primale 的 PRENDS MOI 的瘦身香水~!
華麗的銀色樽身, 配上玫瑰金的樽蓋及噴咀~~~

法國製造, 品質有保證~~
100ml 的容量, 開封後6個月使用, 要於6個月用完, 有點難度呢~~~

香水的味道

初調：自然的香檸檬, 柑橘和葡萄柚, 傳遞清新氣息

中調：清幽的混合花香, 有茉莉, 依蘭花和紫丁花

基調：香子蘭和白麝香中, 點綴著天竺薄荷和檀香木的氣息

我的個人感覺就是香水的味道帶點中性, 不是甜甜可人兒那種, 味道也適合男士使用, 是舒緩心神的味道~~~

用法都是一般香水的用法, 可噴於手腕、頸背等地方, 又或……鍾意噴邊都得~!

• 瘦身的原理是PRENDS MOI香水含有Betaphroline, 能激發β-內啡肽 (喜悅荷爾蒙) 的釋放, β-內啡肽有助分解脂肪、消脂及調節酵素活性的3重效能。
• 這種β-內啡肽能傳遞「快速訊息」到腦部, 怪不得用上後有一種 relax 的感覺, 即刻想起做facial, 做SPA 的時候~~
• PRENDS MOI香水就是利用這種愉悅感去代替一定數量的無節制進食行為, 我諗講緊嘅就係明明唔肚餓, 又要擺D零食入口嘅時候~~~

Veld’s Nature Primale PRENDS MOI 瘦身香水的成效

• 我就是那種在工作中, 總要有個小休放零食入口的人, 不停的工作真讓人疲倦呢~~~ 有了這枝PRENDS MOI香水後, 我將小休放零食入口的習慣, 改變成小休噴一噴、索一索的習慣~~~
• 在我身上, 未能完全改變吃零食的小習慣, 因我實在是貪吃呢, 不過久而久之, 進食零食的量及次數的確減少~~~
• 用上了10天, 身型沒大變動, 磅數都是1-2磅的上落~~~ 我會繼續持之以恆, 畢竟噴一噴、索一索的確能令人輕鬆下來呢~~~

iTrial Mosaic Summer 夏日百人體驗 X 馬賽克工作坊

尋日去左參加 iTrial 舉辦嘅Mosaic Summer 夏日百人體驗 X 馬賽克工作坊, 就等我同大家分享一下尋日有咩玩啦~

首先就係整馬賽克鏡, 其實我都幾鍾意做手工架, 出來做野後, 少左好多機會做手工, 所以有呢D機會真係好開心~~~

攪左一輪後, 我嘅製成品完成喇~~~ NICE?

場嘅四圍擺放左唔同嘅booth, 分別有ETUDE HOUSE, Lifu & TRESemme~~

認識左ETUDE HOUSE嘅Precious Mineral Any Cushion(全效珍珠零瑕粉底霜), 仲有化妝師為我地示範左一個夏日彩妝~~~

Precious Mineral Any Cushion都幾得意, 一個粉盒嘅樣, 用特製粉樸壓落去, product係粉底液黎架~~~ 遲D再同大家仔細分享~~~

跟住就介紹Lifu 嘅果涷, 糖妹推介~~~ 仲有TRESemme~~~

大會仲請左2位嘉賓為我地分享一下化妝及美髮心得~~~

分別係iMore嘅stylist 同埋龍鳳媽媽~~

最後帶左3大品牌嘅product 番屋企慢慢試, 稍後再同大家分享~~~

Color Control @ innisfree real skin CC Cream SPF 30 PA++

近來CC Cream 好hit, 當然要試一試啦~~~

今次試嘅就係~~~

innisfree real skin CC Cream SPF 30 PA++

CC Cream=Color Control Cream

innisfree real skin CC Cream泵裝設計, 使用方便, 開封後12個月內使用~~

一初泵出來同塗上面時有D驚, 因為好似好白咁, 而我嘅膚色……只能說……比較健康吧……所以好驚變白面鬼~~

但又得意喎, 抹抹下, 原本偏白的CC Cream會漸漸變成自己嘅膚色~!

仔細再向手度試下, 又好似變魔術咁, 我再用化妝棉抹抹, 原本的淺紫色CC Cream, 其實已經變左膚色喇~~~

唔知係咩原理呢? 會唔會係遇到空氣就會變色呢?

唔好理咁多, 最緊要睇下好唔好用~

CC Cream=Color Control Cream, 成效如何?

• 我面上的Color又真係比佢Control左, 變得唔暗啞~
• 初用時見到咁白會好想推薄佢, 就覺得這枝CC Cream有點難推, 但原來會變色的, 咁唔需要推薄的話, 這種質地也可以, 用後都唔會覺得厚妝~
• 出左街成日, 覺得這枝CC Cream比一般BB Cream 乾爽, 亦感到有保濕的效果, 使用約6小時後, 開始出D面油~~~

使用12小時後, 唔多唔少都甩左D架喇, 不過都甩唔晒, 我自己就覺得OK, 因為我一向都偏愛裸妝感~

$180 有40ml, 我覺得幾抵用, 由於用 innisfree real skin CC Cream 幾個鐘後都會出D面油, 所以用上佢後, 我都會輕抹粉餅或掃上碎粉, 配合埋粉餅/碎粉一齊用就 prefect 喇~

溫和眼部卸妝油@GIORGIO ARMANI Perfection Eye Make Up Remover

唔知大家平時用咩卸眼妝呢? 我就覺得用卸妝油先夠乾淨。而我除左著重乾淨之外, 亦都著重唔黏膩同埋唔醃眼, 一齊睇下GIORGIO ARMANI呢枝Perfection Eye Make Up Remover 效果如何啦~~~

最鍾意睇下出產地：Make in France~~

最鍾意見到密封, 用時先自己開封~~~ 開封後6個月內使用~~~

樽身藍藍地色, 好有海洋feel~~~
脂質上層、水質下層, 使用之前要搖勻 (呢句係唔係好順口 :P )
藍地樽身, 輕搖時上下2層盪盪下, 用力搖後, 見到閃閃的藍光, 無聊的我其實覺得好靚架~~~ 可惜相片拍不到「美」的神髓。

唔好多講, 成效最緊要~~

眼妝用上了眼影、防水眼線及睫毛液~~

搖勻GIORGIO ARMANI的眼部卸妝油後, 倒一隻眼型嘅份量落化妝棉, 輕按於眼。

按一會及輕抹下, 大部份眼妝已卸下, 我會摺多一下再抹, 抹完又摺, 摺到厚厚地方便仔細再抹餘下的少量眼線。

雖然見到上面塊化妝棉好似已經好污糟咁, 但絕對唔需要擔心未抹晒D眼妝, 倒一塊新嘅化妝棉再抹, 其實已經抹唔到任何眼妝~~~ 成功卸完一隻眼~~~

話咁快卸埋另一隻眼, 輕輕的按亦可卸得很乾淨, 用後感覺好清爽, 皮膚仲好滑, 最重要係, 完完全全唔會醃眼~!!!

• 眼睛係靈魂之窗,當然要好好呵護,除左幫佢進補之外,更重要係卸眼妝時要夠溫和~
• 呢個步驟做得好的話,真係可以減少好多問題架~
• GIORGIO ARMANI 呢枝溫和眼部卸妝油,真係夠晒溫和喎~~~
• 唔醃眼呢點係我最鍾意嘅~~~ 平日卸完眼妝,雙眼都會澀澀地,眼泛淚光又流唔出咁架,不過GIORGIO ARMANI 呢枝就唔會,一D唔舒服嘅感覺都到,好用到不得了~!!!
• 我以往的經驗來說,卸妝油就算用完唔太油膩都唔會清爽,但呢枝眼部卸妝油打破左我一向嘅睇法,因為用完真係好乾爽,乾爽得來感覺又唔會繃緊,眼部皮膚仲滑左,保濕度相當唔錯~! 眼妝卸得夠乾淨之餘, 又唔會扯傷脆弱嘅眼部肌膚,要總結一句的話,我只能說：超讚～！

超貼面的paper mask@Timeless Truth天山雪蓮白皙生物纖維面膜

如果你有試過Timeless Truth天山雪蓮白皙生物纖維面膜, 我相信你一定會認同呢一句說話：「嘩！真係好貼面呀！」

天山雪蓮呢個成份好有氣勢呢～～～

原來作用係阻絕黑色素～

成份仲有傅明酸（淡化斑點）、琉辛酸（抗氧防皺）＆ 玻尿酸（保濕鎖水）, 台灣產品～

攞塊面膜出來時, 心想：「嘩~~~好似咁厚咁嘅?!」

原來……有2塊保鑣夾住塊纖維面膜, 真身係......怎形容好呢......啫喱的感覺, 軟軟的、涼涼的。

看~~~敷上面時, 是超貼面的呢~~~完全沒有氣泡, 還有眼位可敷上呢~~~

而敷這個mask時, 我認為躺著的比較好, 因為這面膜較墜身。

不過對我來說就沒什影響, 因我一向都是喜歡躺著敷paper mask 的, 一來較relax, 二來總覺得paper mask向下壓的感覺, 是會讓肌膚吸收得更好呢~~~

用上Timeless Truth天山雪蓮白皙生物纖維面膜後, 不用怎再按面, 皮膚也很快就吸收了面膜餘下的精華。

保濕方面, 沒有即時飲飽水的感覺, 因為餘下精華被吸收後, 會有些些繃繃的感覺, 又不是覺得乾, 可能是精華乾後的質感。

但翌日, 面部肌膚到了黃昏時間, 仍不會覺得缺水繃緊 (平日我下午就會開始出現這情況), 所以我覺得它的保濕功效也不錯呢~~~

至於美白淡斑、抗氧防皺方面, 暫時又未至於會覺得即時白淨左。

最重要的是, 用後沒有敏感, 面膜的氣味並不濃烈, 又涼涼的, 很適合夏天使用呢~~~

舒適貼服的color con@ FreshKon Alluring Eyes

這就是好戴到不得了的FreshKon Alluring Eyes 大美目每日即棄隱形眼鏡, 極力推薦, 必定回購呢~!!!

有3隻色, 從左至右, 分別是閃亮黑、魅力灰及注目啡。

左邊(右眼)戴了魅力灰, 與沒戴的那一邊比較, 眼珠明顯增大了, 亦使眼珠更置中、更明亮, 那便更有眼神了~~~

先看看閃亮黑的效果, 我是不是頓時「精靈」了呢?

再看看魅力灰, 第一次戴灰色的, 感覺很好, 原來灰色也很自然, 而自然得來又有點酷 (偷笑中)。

最後是注目啡, 我一度以為自己不適合戴啡色, 因曾試過戴另一品牌的啡色時, 覺得啡色襯在我眼上變得很「膠」的質感, 一點都不自然, 很格格不入的感覺, 但FreshKon Alluring Eyes的注目啡自然到不得了~!!! 重拾得對啡色 con 我信心~~~

FreshKon Alluring Eyes大美目每日即棄隱形眼鏡真係……好戴到不得了~!!!

我戴開嘅con, 戴上後係好難畫眉, 因我隻眼一碌上去望住條眉, 隻 con 就會浮起, 大美目嘅孤度好啱我, 遇上佢真係超開心~~~

而且, 3隻色我都好鍾意, 各有特色, 真係可以用黎襯衫、襯 eye shadow~~~

戴上FreshKon Alluring Eyes之後, 雙眼明顯有神左, 亦好鍾意佢令我眼珠望上去變得較置中, 少左眼下的眼白, 人地話3白眼唔好呀(8掛 mode 啟動)。

戴左8個鐘, 雙眼都唔算好乾, 仲有, 大美目防埋UV, 仲用左FDA認可嘅鏡片色素, 眼睛健康好重要的呢~~