高效保濕粉底液@shu uemura lightbulb白瓷光感粉底液

嘩~!~! 真係好開心可以試用到~

~lightbulb白瓷光感粉底液~

第一次見到呢一個「雪人」咁樣嘅lightbulb化妝綿就已經好想擁有佢~!

但……聽到坊間傳聞話呢隻粉底液唔係咁好用, 所以一路都卻步唔敢入手, 咁又等我試一試, 比多個參考大家啦~!

官方介紹：

² 水感配方，持久保濕。

² 多源感光科技，塑造白瓷光感。

² 專業貼膚配方，高度遮瑕，同時與肌膚自然融合，持久貼服。

² 套裝內有lightbulb化妝綿獨特設計可增強和控制底妝光澤及厚薄度，以簡易輕印按壓方法，增強面頰、額頭、鼻子等大範圍的底妝光澤，而另一端在尖頭附有塗層，吸收過剩粉底，同時為眼角、鼻側和唇角等部位精確地控制底妝，持久耐用，兼具抗菌功能。

上妝前就緊係要用左base 先啦~!

秋冬回購之選：Shu Uemura  TSUYA光感新肌精華泡沫底霜SPF 30 PA++ (詳細分享可按入超連結看看呀~)

秋冬天我鍾意用呢隻base, 因又遮到小瑕疵、又有光澤感得來, 最重要的是保濕度夠高~!~!

塗完base就塗上lightbulb白瓷光感粉底液喇~

我用的是554色 (medium sand), 塗在手上時覺得偏深色, 點知塗上面後隻色又ok喎~!

我都唔知我應該開心 (因為隻粉底啱色), 定唔開心 (因為原來我咁黑!!!!)……

個lightbulb化妝綿好好用呢~!!!

中間個弧位塗鼻翼剛好~!~! 我好著重個鼻, 要遮住我D大毛孔~

而頂頂的尖尖部份用來塗眼很好~

上粉後, 白白的lightbulb化妝綿變成了烘燶的樣子, 我真係覺得呢舊野好得意 :P

上妝前後的對比照~

我的黑眼圈就比較難遮得到, 而我d墨就淺色左 :P

粉底液好貼, 我最重視的鼻位遮得唔錯呢~!~! 望上去面部的光澤感亦改善了~!

去完街後的對比照, 約7小時後~~

坊間的傳聞是用lightbulb白瓷光感粉底液後, 個妝好快就溶~!

我用左約一星期後, 感覺其實又唔錯喎~!

雖然都係有出些少面油, 但佢嘅保濕度真係好, 唔會攪到成面乾紋, 尤其是眼下的位置呢~! 而且塊面真係冇覺得繃緊~! 秋冬天時, 保濕呢點我好重視的呢~

幾個鐘後, 個妝會溶左d, 但都仲有一定遮瑕度, 我自己的標準來說, 就覺得都ok 呀, 仲遮到, 又唔係坊間所聽到咁樣, 所以都係要自己試下先知到底啱唔啱自己~~

*受邀於U Beauty 及 shu uemura試用此產品

水潤保濕之選@b.liv 全新終極保濕套裝

第一次用b.liv嘅產品, 原來係 Made in Singapore~~

保濕向一年四季都好重要嘅, 今次呢一set 就係b.liv 全新終極保濕套裝喇~~

套裝包括（左至右）：

～美肌浸潤 強效精華 (submerge me)
～深度保濕 睡眠面膜 (deluge me)
～透明質酸 英肌原液 (hyaluronic original)

先講左透明質酸英肌原液先, 佢係純度達100%的透明質酸, 透明質酸有強力保水功效相信大家都聽過下, 而純度達100%的透明質酸我就真係第一次試~~

使用方法：早晚徹底潔面及爽膚後, 取4-6滴豆大小分量均勻地塗抹於面部及頸部。

攪左一輪……原來……上面枝tube係軟身的, 輕輕擠一擠就擠得出英肌原液(hyaluronic original)。

hyaluronic original係透明質地, 雖然望上去似水, 但塗上面後, 會感到肌膚變得柔軟及富有水潤感, 絕不油膩~!

塗上hyaluronic original後, 就輪到美肌浸潤強效精華 (submerge me)了~~

官方介紹：超水感特效精華以獨家研發最接近肌膚結構之「Biomimic 導入系統」賦予肌膚鎖水、儲水、造水、保水、補水, 加上其美白及抗衰老活性成分, 讓肌膚同時吸收多項精華, 時刻保持水潤嫩白。

使用方法：早晚徹底清潔臉頸部後, 取2-3滴豆大小分量抹在整臉及頸項。待其完全吸收後, 請重復日常保養品。

精華的質地很像布甸, 不是平時用開的質感, 不黏手, 擠出來後, 可以用手指「成舊」拿起放上面~! 按一按就溶在肌膚上~~

亦是很有水潤感的產品~!

最後用的是深度保濕睡眠面膜 (deluge me), 按使用的指引, 是洗面及爽膚後便塗上。

很久也沒有試過睡前塗得這麼單薄, 還在想翌日塊面會否勁乾, 但又比想像的好, 晚上塗上deluge me, 睡醒後面部冇覺得乾, 但……亦沒有飲飽水的感覺, 可能, 我平日晚上餵得肌膚太飽, 所以, 晚上只用deluge me深度保濕睡眠面膜, 總覺得不足夠~~~

用上這b.liv 全新終極保濕套裝2個多星期, 最喜歡的, 是b.liv 全新終極保濕套裝的3款產品性質溫和, 在這個最易敏感的轉季時刻也能讓我的肌膚狀態穩定下來, 而且3款產品性也幾乎沒什人造香料的氣味。

以下就是我的使用前、後照~

而整體來說, b.liv 全新終極保濕套裝的3款產品也很水潤, 但對我這個年紀的人來說, 只是水潤還不足夠, 要滋潤一點才可熬過冬天, 初試用這set 保濕套裝時秋風還未起, 都仲ok, 但近這幾天的天氣突然轉涼, 我就要配合滋潤一點的晚霜用才行, 否則第二日上妝後皮膚就會覺得有D乾~~~

總的來說, 我會推薦b.liv 全新終極保濕套裝給10幾歲至20幾歲的你, 夠水潤保濕又唔怕用後會生暗瘡~~ 

*產品由品牌提供, 多謝bl的邀請~