真係開心到暈, 因為可以參加SOFINA嘅潤白美肌護理工作坊~!!!
其實我真係好鍾意SOFINA, 因為佢嘅野好用得來又會令你用得放心, 用得放心係好重要架~!!!
今次嘅主角係 SOFINA ALBLANC「潤白美肌」
一見到「正離子美白導入」就令到我好鬼好奇, 就咁塗護膚品都可以導入?
嘩~! 睇下有D咩我未用過先~~
事不宜遲, 去做下皮膚測試先, 每次做皮膚測試都好似派成績表咁, 就係用右下角部美肌導向儀做測試~~~
測試結果係同相同年齡層嘅人比較, 大致上都合格, 係皮脂方面差少少, 其實年紀唔同左, 真係feel 到D膚質唔同左, 而家真係鍾意D潤D嘅產品~!!!
識我嘅人都知道我好唔鍾意臉上嘅色斑, 雖然色素方面都合格, 但其實只係佢用美肌導向儀做測試時, 放向臉上嘅位置唔係向我D色斑上面先有呢個分數咋 =.=”
但有一樣野好想同大家分享, 比番12年11月尾個測試結果比大家睇下先~~~
有冇發現我皮膚嘅保水力高分左好多呀, 由唔合格嘅40分, 去到71分~!!!!!!!!
到底發生咩事? 呢幾個月我都用SOFINA Beauté「高保濕抗老化護理系列」, 之前都寫過篇文分享用後感
=> 相關文章, 今次做埋皮膚測試見到成效, 證明我果然冇feel 錯, 真係好好用, 所以就咁鍾意 SOFINA ^^
哎呀, 講得太興奮, 要講番今之主角先得~~
今次主角我都好期待,
因為主打潤白,
「潤」同埋「白」我都好有需要~!!!
井上晶子小姐為我地講解左黑色素點解會形成, 而SOFINA ALBLANC嘅產品有點針對住黑色素嘅成因去攻破佢地, SOFINA ALBLANC嘅產品真係好有「治標又治本」嘅感覺~!!!
咁難得有機會出席, 就等我努力咁將學到嘅訊息簡潔咁同大家分享一下啦~!
1. SOFINA ALBLANC 從皮膚唔同層次達至高層次嘅美白, 分別係提高真皮層嘅「明亮度」、表皮層嘅「淨白度」同埋角質層嘅「透明感」。
2. 令到皮膚有黑色素有2大元兇, 分析係「內皮素」：主要傳遞「製造黑色素」嘅訊息, 同埋「SCF」：主要傳遞「形成更多黑色素細胞」嘅訊息!
3. 當以上2者並存時, 黑色素細胞就會急劇增加, 咁多黑色素細胞, 就緊係會多左好多黑色素啦~!
4. SOFINA ALBLANC嘅產品加入左新成份：羅馬洋甘菊精華, 佢同埋桔梗美白精華 + 日本白樺樹精華都係主力對付「SCF」, 減少黑色素細胞嘅數量~! 殺~!
5. 而洋甘菊ET 就主力對付「內皮素」, 將黑色素減少~! 殺~!
呢幅圖又出現喇~!
SOFINA 開發左獨家專利嘅「正離子導入技術」, 滲透量比以往嘅產品高左成1.6倍~!!!
聽落好神奇, 係將帶有正電荷嘅美白有效成分放向乳液外圍, 而我地嘅皮膚係帶有負電荷, 咁美白有效成分就會導入皮膚內, 幫助皮膚吸收得更多、更快~!
消化左咁大堆資訊之後, 個感覺係……
- SOFINA ALBLANC嘅產品好似好PRO (Professional) 咁, 因為好多新科技~!
- 而第二個感覺就係：會好放心咁用, 因為產品主力都係用D天然嘅成份~!
之後, 井上晶子小姐仲教左我地做Face YOGA, 改善肌膚問題~~~
我地個個都即刻試左, 仲有 SOFINA 姐姐從旁指點, 重點係：唔好咁大力~!
最後, 就介紹左 SOFINA Primavista 嘅彩妝產品, 同埋預備左D妝品比我地補妝, 我就緊係襯住呢個機會試佢嘅唇膏液啦~!!! 真係好滋潤有光澤, 心思思添~~~
帶左3位SOFINA ALBLANC成員番屋企~~
分別係……
美白按摩面膜 (White Create Message Pack) HK$420/ 125g
正離子美白精華 (ALBLANC Whitening Essence) HK$720/ 40g
重點美白去斑筆 (ALBLANE Whitening Stick)
HK$560/ 3.4g
美白精華同去斑筆都係新產品添呀, 最快2月20日先向SOGO
賣, 可以試新野真係好開心~!!!
好期待&好希望我D色斑減淡~!
試完再向大家報告~!
最最後講多個消息比大家知, 好似話2月20日SOFINA ALBLANC向SOGO會有D好抵嘅SET 裝, 密切留意~!
沒有留言:
張貼留言