看得見我新鮮、敏感人士的救星＠FANCL水潤修護肌底液

請以大大力的掌聲歡迎FANCL水潤修護肌底液~!~!~!

近一年迷上了FANCL HOUSE, 迷到做埋9折會員, 可想而知我進貢左幾多 :P

今次試嘅呢枝水潤修護肌底液我之前未用過的~~ 作為FANCL迷的我, 很期待呢~~

「小瓶、看得見的新鮮」呢句口號相信大家一定聽過~!

每瓶FANCL產品都會好似圖中所見咁, 有人個保險環, 除下保險環後, 再扭番實個蓋就開到封架喇~

小瓶的設計係因為FANCL產品唔會加入防腐劑, 加左防腐劑、殺菌劑、香料、合成色素嘅護膚品, 塗上面的話, 皮膚就會連呢D咩劑咩劑一拼吸收, 真大劑, 呢個point, 我又真係幾buy架~

標名製造日期, 又係另一點我好buy的, 未開封一年內用, 開封後就記住60日內用完~

使用方法：潔面後用3-8滴水潤修護肌底液塗面, 唔需要用化妝棉。

FANCL水潤修護肌底液蘊含三肽膠原蛋白、水解酵母、棗果精華、錦葵花素等（包括香甜豌豆花精華及歐錦葵花精華）, 有助促進膠原蛋白合成、活化受損細胞、活化角質更新和組織再生等。

FANCL水潤修護肌底液的質地比水黏一點點, 很水潤的感覺, 指引3-8滴的份量下, 我每次也用上了8滴, 因為肌底液真是很快就被肌膚吸收了呢, 而且一點也不黏稠, 很舒適~

用了個多星期後, 感到肌膚有更深層的保濕效果, 不但乾紋減退, 而且翌日中午後, 面部因乾燥而繃緊的情況也大有改善呢~~

作為FANCL迷的我, 介紹給大家, 這set很抵呢~~

買4套最抵, 會員9折埋後, 平均$396 (原價$813), 即係49折, 即時購物滿 $1500, 我仲用埋15分積分換保暖杯, 我覺得真係好抵呀~!

一向也有間唔中用下FANCL,近一年迷上了是因為……開始有皮膚敏感的情況出現了……

在這個時候,第一時間就諗起FANCL,皮膚敏感的時候,就連我用開的東東都唔係再樣樣用到呢,就係呢一個過程令我迷上她了~~

而今試呢枝FANCL水潤修護肌底液, 真係吸收得好快,又保濕,保濕得來又唔會令肌膚有負擔, 仲可以令後續的護膚品吸收得更好,這是感覺得到的, 還有, 我鼻位上妝貼左, 所以我覺得呢枝肌底液幫到軟化角質。而用上個多星期後, 皮膚彈性好了,還變得滑滑的呢~~ 試完呢枝肌底液後, 我急不及待要開晒成set用, 除左好用外,還有……咁多set要快d開始用, 因FANCL保證新鮮, 有效期得番一年唔夠呢~