Bioderma 淨白去斑晚間精華

Bioderma出名紅水, 美白的東東都係第一次試~~

佢就係Bioderma 淨白去斑晚間精華~!

主要功用係去色斑、改善膚色不均勻及促進肌膚再生~

見到咁多配件, 相信大家都會估到用之前係有D攪作嘅~

如圖, 將小枝的Vitamin C 粉末倒入大瓶內, 枝粉末有d難倒, 需要D時間~

再將之用力搖勻, 即時混和專利配方 White Objective® 包括穿心蓮內酯和離胺酸及Vitamin C 粉末和甘醇酸等。

加番個泵泵就用得喇~

話明係晚間精華, 就當然係夜晚先用啦~

晚上潔面後, 取精華素 2-3 滴, 塗抹面部及頸項, 再塗上保濕晚霜。

Bioderma 淨白去斑晚間精華呈透明狀, 質地帶黏, 味道……對我來說……不太討好, 因有丁點刺鼻感。

有一點務必要留意的是完成混合後的晚間精華只可用2個月~!

塗上面後覺得質地較黏, 需要時間吸收, 還有點敏感狀況出現, 只能隔日用, 膚色平均了點點, 但總的來說, 對我的皮膚太刺激了, 若不是Bioderma這個牌子及試用的關係, 我一早就放棄繼續使用了。

Bioderma淨白去斑晚間精華臨用前先會將成份溝埋,以便達到最好的功效,產品質地較黏,氣味不太討好我,而塗上面後,有點“吉吉地”的感覺!!

見佢係Bioderma, 安全有保證,咁翌日就再試下,今次仲專登做完保濕 mask 先, 因曾聽說,皮膚狀態太乾的情況下用美白產品是較易敏感的,但……保濕mask後塗上淨白去斑晚間精華,皮膚仍然是“吉吉地”, 仲紅紅地!!有時用更會痕痕地!! 但就沒有生粒粒。而塗在頸上,就沒有這種情況,只能說,我塊面唔係好夾到佢,皮膚易敏感的人要留意~

基於儘責試用之餘又要保住塊面,我只可按著皮膚狀況,隔日或2隔日用,所以試用的次數不算太多,結果是膚色均勻有點點的改善~ 剩餘的,我會選擇塗在不敏感的頸部。

可能是因為高濃度的維他命C的關係, 所以會比較刺激吧~

以我自己的膚質來說, 我想, 我還是適合一些較溫和的產品, 與Bioderma 淨白去斑晚間精華無緣了~~

*試用產品由品牌提供~