光透自然的光 Cushion呀@Loreal Paris Cushion Lumiere by Lucent Magique Beauty Workshop

早排去左 Loreal 的 event 呀~~

Loreal Paris Cushion Lumiere by Lucent Magique Beauty Workshop

見到張相, 大家估到今次的主角係咩未呀??

就係......水潤、光透、無瑕嘅~~~光 Cushion 喇~~~

點樣「水潤、光透、無瑕」法呀?

Beauty Workshop內做左3個測試比大家睇呀~

清爽測試

將韓國品牌的 bb cushion 及Loreal Paris的光 Cushion 分別塗在不同的手背上, 再將手插入發泡膠粒中~

塗了Loreal Paris光 Cushion的手背, 完全沒有沾上任何泡膠粒呢~ 很清爽呀~

水潤測試

用不同粉樸分別沾上韓國品牌的 bb cushion 及Loreal Paris的光 Cushion~

沾上後可見沾上Loreal Paris光 Cushion的粉樸水潤度高很多呢~

光透測試

在亮著的電燈膽上分別塗上韓國品牌的 bb cushion 及Loreal Paris的光 Cushion~

塗上Loreal Paris光 Cushion的透光度很高呢~

即時諗：透光度咁高, 遮瑕度會唔會唔夠架?

即時睇下化妝師嘅示範先~

化妝師用左2隻唔同顏色的光 Cushion~

較粉嫩的光 Cushion塗上面後, 化妝師再將較 nude 色、較深色的光 Cushion塗於面旁, 做成自然的 highlight~ 修飾面型~

好似幾好咁喎, 睇到人咁心思思, 多謝Loreal Paris送左2個光 Cushion 比我返去試下呀~

分別係R2色的 Rose Miracle & N3 色的Nude Miracle~

有SPF29/ PA+++ 的呀~

打開光 Cushion內有粉樸亦有鏡~

再揭開就會見到密封的貼紙~

再撕開貼紙就會見到光 Cushion的真身喇~

輕輕用粉樸一壓, 就沾到好多光 Cushion喇~

R2色對我來說看似偏白, 但推開後都幾透, 一於試下上面先~

R2色及N3色的色差如圖~

跟返化妝師教咁, 將粉嫩的R2色先塗上面~

再將N3的nude色塗於面旁作highlight, 修飾面型~

大功告成了~

Loreal Paris光 Cushion是很易推開的質地, 很貼薄, 又果然是很清爽~

此外, 整天在冷氣地方面部也不會覺得乾呢~

而修飾面部瑕疵方面也不錯呀~ 很自然~

用後膚色冇咁暗啞, 亦冇咁泛紅喇~

毛孔都修飾了呢~ 肌膚仲有透光自然的光澤感呀~

而如果我果日出街走動的話, 混合性皮膚的我出走多時就會鼻位出油, 所以外出得耐的話, 我會再拍埋碎粉, 咁就萬無一失喇~

*產品由品牌提供~

bareMinerals x PAGE ONE Yoko Tsang 礦物美肌食療工作坊

知道Yoko有活動, 就緊係要去8掛一下啦~

今次嘅活動就係「bareMinerals x PAGE ONE Yoko Tsang 礦物美肌食療工作坊」

首先係Yoko出場介紹食療, 仲即場沖左炒米茶比我地試添~

之後就到化妝師示範, 以bareMinerals化妝品為 model 化妝~

雖然 model 好靚女, 但其實現埸睇, model 有唔少暗瘡、紅印, 仲有黑眼圈需要遮架~

即場示範化妝之餘, 仲即場傳左bareMinerals嘅產品比我地試上手~

印象最深刻的, 係bareMinerals嘅 Foundation Prime Base & 遮瑕~

試左Foundation Prime Base 上手, 好滑呢~ 而見到 model 用bareMinerals上完妝後, d 暗瘡、紅印、黑眼圈都遮得好好呀~

活動最後送了Yoko 的心思食譜及幾包  bareMinerals  護膚品的samples 比大家~

Yoko 的心思食譜望落又好似唔係好難整喎~ 正~
睇化妝睇到人心思思, 如果    bareMinerals  d samples 係示範當中的化妝品比大家塗上面試就仲好~

不過我都好好運, 答啱左問題, 有枝 mascara 呀~!

流汁蛋糕@焦糖布丁蛋糕 (咖啡味)

成日都聽到人講諾亞半熟蛋糕, 攪到我都心思思想試下~!

去到上水的分店見到咁多款都唔知試邊款好, 最終揀左新出的款色~焦糖布丁蛋糕 (咖啡味)~

回一回帶先, 好有趣呢~ 焦糖汁向蛋糕底, 食之前先反轉個蛋糕, 等D焦糖汁即時流出~

值得一讚是蛋糕紙包得個蛋糕夠貼夠實, 焦糖汁真係唔會偷步整濕個蛋糕~

切開個蛋糕之後, 就覺得自己好低能, 第一個感覺是......冇流心嘅??

第一次食諾亞半熟蛋糕的蛋糕, 仲以為所有蛋糕都係半熟添~

呢個蛋糕嘅蛋糕底好好食, 索埋d焦糖汁好正~!

而上層的咖啡味布丁有咖啡香但唔算濃, 布丁比我想像中硬身~

我平日係超愛吃焦糖布甸這個甜品的, 所以好期待呢個焦糖布丁蛋糕會有類似的質感~

總的來說, 這焦糖布丁蛋糕 (咖啡味)也是值得一試的, 雖然布丁較硬身, 但蛋糕底索埋d焦糖汁好正, 而且一班朋友一齊倒轉個蛋糕等d焦糖汁流出來都幾開心的~

最後一提：除左有埋餐具外, 個膠盒係 microwave safe 的, 一定要 keep 起重用~ 亞媽見到呢d盒就最開心~

新西蘭品牌Antipodes@ Performance Plus Mineral Foundation SPF15 & Deliverance Kowhai Flower Hand Cream

早陣子於Petit Bonheur shop攪嘅試用活動中抽中左新西蘭品牌Antipodes 的東東試用呀~~

終於有時間分享一下試用的感想了~!

我試用的東東呢, 就是~~

Antipodes Performance Plus Mineral Foundation SPF15 & Deliverance Kowhai Flower Hand Cream~

Antipodes 呢個新西蘭品牌向世界好幾個地方都有得賣~

今次仲可以用埋佢個掃上foundation, 咁就可以上得更方便同埋均勻喇~

我用的是Pale Pink 01色~

很喜歡這個可靈活控制份量的計呢~! 倒出來時都唔怕自己會太重手~

用完時仲可以封返實, 咁就唔怕帶出街後, 一打開蓋就飛晒D粉出來, 超讚呀~!

跟返佢指示, 將 foundation powder 倒向蓋上面先, 我會再用掃打圈均勻地將 foundation powder 沾在掃上, 用紙巾'登'走過多的份量, 再將之打圈及印在面上~

左圖只用了base, 右圖用埋Antipodes Performance Plus Mineral Foundation~

用了這 Mineral Foundation後, 肌膚的透亮度及光澤感都提升了呢~

Mineral Foundation掃開會透透地同埋有點珍珠色的折射效果~ 呢種效果令到你面上的瑕疵變得唔顯眼, 而且效果會好自然~

皮膚白了, 彷佛是珍珠折射的效果, 不會死死實實的白, 亦不會變粉樣~

我塊面易紅, Mineral Foundation的降紅效果也不錯呢~!

還有的, 就算Mineral Foundation是粉狀也好, 塗上面後亦不會令我覺得乾呢!!!

對Antipodes的 Performance Plus Mineral Foundation都幾滿意, 分享埋Antipodes的 Deliverance Kowhai Flower Hand Cream先~

密封式的設計很討好, 新鮮又衛生~

成份有 avocado oil, 蘊含豐富維他命E~ 未用都feel 到佢應該夠潤~!

Hand Cream的質地有少許杰身, 氣味清香得來有很熟悉的感覺~! 這香氣令人很 relax呢~!!

雖然Hand Cream少許杰身, 但推兩推就被雙手吸晒, 雙手立刻滋潤柔軟~

以Antipodes Deliverance Kowhai Flower Hand Cream嘅質素, 絕對可以向冬天用~!

我都係第一次用Antipodes這個新西蘭品牌的東東~ 感覺真係好好~!!

順道講一下Petit Bonheur shop嘅地埗, 等大家有興趣都可以去睇下~ 佢仲有好多其它牌子的~

Petit Bonheur shop address:

Room 1221, 12/F., Radio City, 505 Hennessy Road, Causeway Bay

Petit  Bonheur  online  store:

https://www.facebook.com/PetitBonheurOnlineStore

*試用產品由Petit Bonheur shop提供

溫泉防敏卸妝水@La Roche-Posay平衡潔淨卸妝水

大家平日會用咩黎卸裝呢?

我平日嘅妝大多數都係底妝再加上畫眉, 大不了加點唇膏, 所以會用最最最方便快捷嘅~卸妝水~攪掂。

而我對卸妝水卻是又愛又恨的, 因卸妝水時不時都令到我敏感, 紅紅地又痕痕地咁, 所以用完卸妝水後, 我會再過水, 將本來好好好方便的, 變成方便。

今次呢, 就抽中左Beautylife.hk嘅試用, 可以試下La Roche-Posay嘅平衡潔淨卸妝水~!!說是防敏感的呢!

La Roche-Posay是源自法國的牌子, 向法國歷史好悠久的了, 打入香港就好似未夠10年~

產品包裝註明有效日期一向我也很欣賞的, 開封後6個月內使用~

使用方法相信大家也懂的了, 倒在化妝棉上再輕抹面、眼、唇卸妝~

重要的是La Roche-Posay平衡潔淨卸妝水是不含 paraben的呢~! 還不含皂鹼、色素及酒精呀~

每次使用時我都會們出剛大過$5的份量~

這一枝除了是卸妝水外, 還含有溫泉水, 有保濕作用呢, 可一次過當埋爽膚水用的呀~

左邊是第一次抹面後的化妝棉, 除了妝物外, 還有大量的塵埃呢~

中間那張是第二次抹面後的化妝棉, 而最右邊的是第三次抹面後的化妝棉~

每次卸妝大約抹3-4次, 比起我平日用的牌子, La Roche-Posay大約要多抹一次~

雖然如此, 我想, 還是會轉用La Roche-Posay的~

使用La Roche-Posay平衡潔淨卸妝水後, 面部不算乾呢~

重要的是就算面部真的沒有過水, 也不會發紅或痕癢, 真正做到卸妝、潔面、爽膚1 take 過~!

正在想要不要放棄使用卸妝水而轉用其它類型的卸妝產品, 剛好遇到試用, 往後可以用La Roche-Posay平衡潔淨卸妝水方方便便卸妝了~!

要買記住買大枝板, $170/200ml & $200/400ml 比多$30就多一陪分量呢~

*產品由品牌提供

七福神和食亭

Friday night 當然係 Ladies night 啦~

跟 ladies 到了佐敦的七福神和食亭~

好彩有卡位好舒適~ 環境整潔~

先來刺身盛合~

刺身我唔係樣樣都食, 食左三文魚、甘蝦同北寄貝~

三文魚超甜好厚身、甘蝦又爽又甜, 北寄貝唔會腥~

再來一個海膽軍艦~

下次唔會再叫海膽軍艦, 因為要叫成餅海膽先夠喉, 海膽夠晒鮮甜~!!

花之戀的三文魚ok, 但唔夠刺身的正, 個人口味鍾意冇左d芒果汁, 因為佢d芒果汁偏甜, 冇左的話, 成個花之戀更 fresh~

到熱食上場了~

串燒系列~ 可汁燒或鹽燒, 2樣燒都好味, 鹽燒會較汁燒乾身, 最鍾意食燒冬菇, 汁燒的冬菇索左汁(水份)口感厚左好好味~

青色我估是辣椒? 有點失望是唔辣的呢~

露筍牛肉卷料靚就冇得輸~

牛肉夠淋, 露筍夠嫩冇渣~

最後是石鍋湯豆腐~

鍋中之物都是我愛吃的東東~

個湯清清甜甜, 向食左咁多肉嘅時候食好味得來, 清甜又暖胃的感覺好舒服~

一梳梳到尾@Rejoice 人參滋養系列

電了髮又染了髮的我, 頭髮可想而知都是乾旱、斷髮的了, 梳頭時打click, 更加是必然的啦~

任何有助改善髮質的產品都會一試, 今次試的呢, 就是Rejoice 人參滋養洗髮露及Rejoice抗護焗油精華~

話說Rejoice 人參滋養系列是配有濃郁人參精華的, 擠出來聞時都聞不到人參味, 但洗洗下頭就會有陣人參味飄出來的呢~!

人參滋養洗髮露很易就能搓出泡沫, 再用上抗護焗油精華後, 頭髮立刻柔順了。

吹乾頭髮後, 髮根清爽, 而髮中至髮尾都保持順滑~

最後還用Rejoice 紙梳, 測試一下使用Rejoice 人參滋養洗髮露及Rejoice抗護焗油精華前後的分別~

由於之前的頭髮比較多結, 所以一梳就click 住 click 住, 梳斷左幾條紙梳齒。

用上Rejoice 人參滋養系列再加上重手用Rejoice抗護焗油精華後, 哈哈, 紙梳齒變成只有少少彎~

由此證明了頭髮順滑了冇咁打click 呀, 而看上去, 頭髮光澤感都改善了, 冇咁枯黃呢~

*產品由品牌提供~