she.com x 德福廣場「Bloggers美研工作坊」- 【FANCL、h2o+】‏

she.com同德福廣場一連5個星期, 每個星期都攪左個「Bloggers美研工作坊」, 真係抽中左可以參加~!!! 超興奮~!!!

 

每個工作坊都去2間美容護膚專門店, 其實德福真係有好多間唔同品牌嘅美容護膚專門店, 而家仲攪緊 promotion, 呢個網址有coupon 可以print 呀, 有野送, 或者買野有優惠： 

http://telfordplaza.she.com/index.php?page=offer

我出席嘅係5星期中的第2個 -【FANCL、h2o+】‏

FANCL 係我本年度嘅寵兒, 我仲爭3分就有9折會籍喇~!!! 咁就一於講左FANCL先啦~!

 

今次以美白做主題, 講左一下美白成因 & 點樣可以白D、靚D。

簡介左FANCL美白Line 的 Product：

外補品：祛斑亮白精華液、祛斑亮白修護面膜

外預防：防曬露30號

內補品：祛斑亮白美肌飲料

成個講解有2點好impress 我~~

(1)    原來防腐劑係美白的「天敵」! 防腐劑會刺激色素細胞產生更多黑色素, 加速色斑形成~!!! 又會加速細胞老化、死亡, 攪到皮膚容易變得暗啞、泛紅，甚至突然變得敏感, oh no……

(2)    原來塗護膚品上臉唔好打圈塗, 要向住一個方向塗抹, 咁先更吸收~!!!

我真係唔知喎~! 曾用過FANCL 隻防曬覺得太白, 果日即時試上手, 又係打圈塗, 繼續暗地裡覺得太白, FANCL姐姐見我地個個打圈塗就提我地要向住一個方向塗抹, 之後一試, 向住一個方向塗抹又真係冇咁白~~

番到屋企用呢個方法塗抹護膚品上臉, 塊臉真係冇平時咁黏淋, D 護膚品明顯吸收得好左, 大家一定一定要試下~!!!

 

仲向FANCL做左個3D Skin test, 左臉色素指素60：色素開始績聚, 而右臉……色素指素……99分 (如果係卡通片情節, 部機應該會即時爆炸~!), 色素已沉澱……唉……

真係好有衝動買祛斑亮白修護面膜&亮滑精華軟膜, 跟番呢份 Catalog 做一個月的療程試下有冇效~!!! 不過都唔平……要慎重考慮……

 

望住FANCL 咁多產品, 真係好想全部都擁有~~

而今次都擁有左祛斑亮白精華液、祛斑亮白修護面膜 & 祛斑亮白美肌飲料, 好開心收到呢份禮物, 好啱用~! Thanks for FANCL~!!!

 

跟住講下另一位主角, h2o+

 

我都係h2o+會員, 仲要係最舊最舊, 即時有85折果隻, h2o+係我舊相好, 第一個用的護膚品牌, 第一間做會員嘅護膚品牌~~

由於對佢好有情意結, 所以就算點心野都好, 每年都會進供D比h2o+~!

 

講完故仔, 講番果日嘅體驗先~

當日有其中的2位Bloggers 可以試下h2o+嘅eye mask同hand mask~~

雖然我當日冇試eye mask, 但早在門市試用過~~~

其實都幾得意, 那塊乾的eye mask 係由骨膠原製造, 再加精華上去就可以敷~

自己之前試嘅經驗係眼下位即時覺得飽滿左, 黑眼圈都即時淺色左架 ^^ keep 到一日。

hand mask 我就未試過, 係手爉 hand mask, 唔記得左問下2位bloggers 嘅感覺添~~~

敷mask 時, 佢地話佢地嘅造型好似神奇女俠, I totally agree~!!! Hahaha~!!!

而向h2o+收到嘅禮物就係……

水中美白極淨潔顏乳、8杯水潔臉卸妝水、海洋礦物磨沙、海洋礦泥面膜&海洋眼部緊膚霜。Thanks for h2o+!!!

 

我係好鍾意用佢藍色果枝清潔mask 架~~

除左呢2 set 禮物之外, 原來仲有德福廣場送嘅 Paul Frank 環保袋 & 八達通套, 非常之實用, 八達通套仲有條彈弓向後面, 可以勾住個手袋, 咁搵八達通時就可以快好多喇, 幾方便~! 番到屋企後, 呢一份禮物係最受歡迎的~~~ 搶野呀~~~

最後就緊要要多謝埋she.com及德福廣場啦~! 全靠佢地合辦呢個活動, 我先有機會參加~!

沿路行番去搭車, 又見到好多美容護膚專門店, 番屋企睇番Catalog, 原來有成30幾間, 非常齊全~!!!