嘩~~~ 個工作坊真係好正呀~~~
最緊要就係一D都唔難學, 我一學完之後, 已經急不及待咁, 半桶水咁, 教左十幾個 friends 按臉喇~~~ 攪到大家都好想買番枝按臉嘅按摩油日日按呀~!!!
我去左嘅工作坊就係由U Beauty同埋A Beauty Bar攪嘅
DIY淋巴美肌工作坊
U Beauty知道大家放工會好肚餓, 所以準備左好多NUTS嘅蛋糕比大家醫肚, 真係好。
不過我冇食到, 因為掛仕同圍影相, 原來A Beauty Bar DIY係有好多野賣架, 大家睇下~~~
仲發現左我前排買左未試嘅 mask~!!!
言歸正傳, 按臉部淋巴咁吸引, 到底有咩好?
可以……
去暗啞、改善眼袋黑眼圈、緊緻臉部、再見包包臉……
真係一D都唔難學, 不如我試下將我領略到嘅同大家分享一下啦~~
首先當然係清潔好瞼部先啦~!
之後就可以加D按摩油上臉~~
導師介紹左2個開鎖位 (淋巴結 ), 佢用左個比喻：如果要掉垃圾, 都要開左個垃圾桶蓋先掉到, 所以按摩前一定要開鎖~!!!
第一個開鎖位：鎖骨上
第二個開鎖位：耳珠前
每個位都按3次, 而每次都按住3秒。
開完鎖之後就可以按摩喇 (垃圾桶蓋開左之後, 就可以掉垃圾喇~~)
共有4組按摩：額頭、眼睛、臉頰 & 下巴。
按摩手法重點：主要用頭2節手指, 左右手交替, 一定要手接手, 因為咁先推得走D垃圾。
額頭：由額頭手接手咁按到去耳珠前嘅淋巴結。
眼睛：冇影真人添, 呢幅圖補數, 眼上、眼下都可以按, 跟住箭咀方向, 記住手接手按呀, 又係按到去耳珠前嘅淋巴結。
臉頰：要用力D, 導師話臉部個位比較入。左右手交替, 按到去耳珠前嘅淋巴結 。
最後一組, 下巴：由下巴開始, 左右手交替, 按到去耳珠前嘅淋巴結 。
記住記住, 一家要左右手交替, 手接手咁按。
每個位按3次, 每次按住3秒。
導師按左model左邊臉 (我地望上去嘅右邊),
model 眼尾又好似真係即時提升左喎, 佢左邊臉望上去都好似瘦D~~~
我當日當然都試按左啦~!
用左呢一枝按摩油, 淡淡的relax香氣, 可能我勁乾, 所以吸得好快, 要再加油按。
按完後抹臉, 導師話抹出來D污積就係身體內嘅垃圾,
睇下……幾污糟~!
原來話呢, 油係一個好好嘅媒介去排污~~ (其實當時我好想攞枝按摩油滴落化妝棉度, 睇下原本隻色係點, 按之前剎眼見到好似係透明。)
跟住就試左一系列嘅有機護膚品同埋化妝品喇~
全部都係 juice BEAUTY 嘅產品, 係有機產品黎架, 某D Product 仲有USDA 認證, 即有機成份係含有95%以上, 勁~!
juice BEAUTY嘅化妝品竟然係可以過夜都得, 唔需要卸妝, 真正有護膚功效嘅化妝品, 真係 unbelievable 呀~!!!
當日試嘅護膚、化妝品包括：
以我理解, 導師嘅意思係混合性或油性皮膚嘅人好少有雀斑, 我毛孔粗大出油係因為我一路都用錯護膚品, 攪到塊臉越乾就越出得多油, 亦令毛孔逐漸的變大~!!!
咁點好呢, 我都唔知自己之後應該用咩護膚品呀, 我諗, 勁保濕就一定冇錯~!!!
同埋, 可能都會試下潤D嘅護膚品, 雖然我真係好怕黏淋, 咁就不如夜晚先用D潤D架啦~!
有咁多新發現, 又學識左點樣淋巴按臉, 所以真係覺得個工作坊好正呀~!!!!!!
仲有禮物添~~~
好多謝U Beauty~!!! 仲有 A Beauty Bar~!
沒有留言:
張貼留言