四圍睇Blog, 又睇下朋友仔睇開嘅Blog：「A BitterSweet Life - Syreeta」, 偶爾見到有試用活動, 估唔到一報名就中左, 超開心~!
今次有幸試用嘅產品就係……
Shu Uemura TSUYA光感新肌精華泡沫底霜SPF 30 PA++
Shu Uemura嘅妝前泡沫底霜係我人生第一枝Base, 想當年用嘅時候超愛, 因為皮膚望上去真係好好多, 又自然又薄, 又夠清爽, 之後都一路斷斷續續咁用, 因為心野, 所以成日都走左去試其它新野~~~
知道Shu Uemura 出左TSUYA光感新肌精華系列之後, 其實都走左去Shu Uemura 八卦一番~!
Sales 哥哥好好心機咁講左5種泡泡 Base 嘅分別, 都好幫到搵一枝啱自己嘅泡泡 Base, 又順路同大家分享一下 ~~
多效BB泡沫底霜遮瑕度較高, 所以相對較厚, 佢同埋亮白精華泡沫底霜於塗上後膚色都會變得較白。
Basic 嘅妝前泡沫底霜同埋呢枝新嘅TSUYA光感新肌精華泡沫底霜色調比較自然, 而TSUYA光感新肌精華泡沫底霜加入精華, 保濕度較高, 啱晒秋冬天用, 而且光澤感較強。
我就鍾意自然D, 因為我膚色都比較健康, 變得太白會好唔自然。
話晒今次係試TSUYA光感新肌精華泡沫底霜, 講多少少資料先~~~
官方網站嘅介紹
底霜注入TSUYA光感活能精華，有效啟動細自我更新能力，恢復肌膚細滑彈性，光感剔透，每次化妝同時護膚。24小時保濕，細緻毛孔及撫平幼紋，光滑細緻的肌膚能更均勻的折射光芒，即時成就年輕光感肌，打造自然立體完美妝感。獨有的自然杏桃色調，為肌膚即時打燈，調節暗啞膚色，讓肌膚由內而外綻放光采。
係時候講下我試成點喇~
未用之前
又要面對現實：毛孔粗大、膚色唔均勻、又泛紅又有色斑, 仲有暗粒添。
試呢枝 Base, 我試左3次先掌握到最適合自己嘅塗抹方法同厚薄度。
用法：
(1) 上下咁搖枝Base, 力度要足以聽到入面粒珠清脆嘅聲音。
(2) 打直樽身按噴咀, 唔好按大多, 當你停左手之後, 泡泡Base 會繼續自我澎脹, 所以要預早收手。我用呢個份量就夠晒。
(3) 用海棉上Base。(Sales 哥哥強烈建議, 但……)。
我就比較鍾意用手塗上, 因為會容易D預到個份量, 初時有試過用海棉塗上Base, 但用完之後, 臉上明顯的有一層珍珠白, 追求自然但又好想遮醜的我, 會覺得太白了。
用左3次就終於預到份量, 感覺變得非常良好~~~
大家睇下……
TSUYA光感新肌精華泡沫底霜可以推到好薄, 掌握左點用之後, 唔會再出現一層明顯的珍珠白, 而係變得自然有光澤, 明亮的光澤感, 一D都唔似油光, 臉色好睇左好多。對我黎講, 呢枝Base做到嘅光澤感係我最喜歡佢嘅地方~!!!
至於遮毛孔、色斑方面, 就不過亦不失。
毛孔、色斑會變得冇咁明顯, 用完後, 毛孔會變成一點點的白色。
單用的話, 都可以出街, 不過我會向毛孔位再印D粉餅, 咁毛孔就靚晒喇~~~
而用左呢枝泡泡Base之後, 再用粉底的話, 粉底都好貼服~!
初初試上手時都會擔心呢枝泡泡Base會黏淋, 但試上臉又OK 喎, 可能近幾日真係秋風起, 所以TSUYA光感新肌精華泡沫底霜唔單止唔黏淋, 仲夠晒保濕, 唔會令到皮膚起乾紋。
當我覺得自己更加掌握呢枝Base後, 我會再試下用海棉~~~ 睇下效果係唔係真係會再好D。
最後, 再次多謝 「A BitterSweet Life - Syreeta」 blog 送出呢枝正野：TSUYA光感新肌精華泡沫底霜~!!!
沒有留言:
張貼留言