「震」出貼簿底妝@BRTC

係時候要分享一下用完BRTC嘅苿莉3D蜜糖水亮妝前底霜 & 深層海洋水智能振動BB美妝組合之後嘅感覺喇~~~

先講一講苿莉3D蜜糖水亮妝前底霜

可以打造猶如蜜糖般水漾透亮妝容，肌膚散發細緻光彩，妝容更持久貼服。具抗敏舒緩、高效抗氧化及保濕功效。

使用方法：

(1) 於日常護理後，取適量均勻塗於面上，再塗上粉底或BB cream。(可重點塗於顴骨、鼻頭及額頭中間位置)。

(2) 可以1份base + 3份BB cream/粉底液混合使用。

(3) 可作Lip Gloss使用，營造水潤亮澤的嘴唇。

淺紫色 + 淡淡的苿莉花香, 清優、優雅。

塗上臉後, 覺得好黏淋, 塗上咀做唇彩就唔錯, 光澤感即時增加。

深層海洋水智能振動BB美妝組合

美妝組合包括：智能美妝機、保濕 BB Cream 同埋5 個彈性粉撲。

深層海洋水BB Cream成份：

丁香、百合、雪絨花、水仙花、小蒼蘭、玉蘭及三葉草花等7種鮮花精華、玻尿酸、深層海洋水、甜沒藥及維他命E

深層海洋水BB Cream功效：

提供源源水份和養份，平衡皮膚酸鹼值，有助舒緩敏感肌膚，並有鎮靜抗炎作用；即時修飾粗糙及暗黃肌膚，解決膚色不均問題，令肌膚回復水潤亮

最鍾意密封設計

我分別試左用手及用美妝機塗上BB Cream。

最唔鍾意見到自己呢D相, 毛孔又粗大、又多雀斑, 近來成日游水攪到皮膚差晒, 又多暗粒又爆瘡, 唉 一.一”

呢邊臉用手塗上BB Cream


其實只用手塗上都好遮到毛孔同雀斑, 又幾貼服添, 都唔錯。

大家再留意一下個咀, 用左苿莉3D蜜糖水亮妝前底霜當Lip Gloss用, 效果都唔錯, 光澤感高左, 唇色又精神左。

另一邊臉用美妝機塗上BB Cream, 美妝機1分鐘內振動12,000次, 振到去鼻位時, 其實我覺得有D痕 :P

使用方法：

(1) 打開蓋子，把BB Cream塗在粉撲或面上，按開關制啟動智能美妝機。

(2) 輕力把粉撲按壓於面部，並慢慢向外推開。

(3) 用粉撲的邊緣位置在鼻翼兩旁輕輕按壓，以達致完美妝容。

(4) 使用後，按制關掉，然後把蓋子蓋上。可每1至2星期更換乾淨粉撲。

用左美妝機上妝, 毛孔遮得更加好, 皮膚望上去更加細滑, 妝容明顯簿D, 好自然, 不過遮瑕度相對低D, 所以遮雀斑方面, 反而用手塗上BB Cream的一面會遮得到多D。

總括來說我就鍾意用美妝機塗上BB Cream多D, 雖然遮瑕度相對低D, 不過用手塗上對我來說就比較白了一點點, 用美妝機塗上會簿D, 望上去膚色冇咁白, 所以自然好多, 化妝－我最著重化得自然~~

而且, 用美妝機上妝, 唔需要整污隻手, 拆除彈性粉撲都好易, 一拉就甩。

而質感方面, 塗上BB Cream後冇只係用base 時咁黏淋, 不過都仲係淋淋哋, 走入冷氣地方後, 約過左30分鐘, 妝容就開始變番清爽, 而清爽得來都好滋潤。