德國風情@Das Bier

好一陣子冇黎 Das Bier 食野喇~ 多左好多野食呢~

仲有生蠔呀!

不過我今次冇食, 太耐冇食太多野想食,下次實試~

多啤酒選擇相信係佢賣點, 就算我唔飲, 都影比大家睇下啦~

必食的豬手, 配上薯仔沙律、酸菜, 仲有我好鍾意的蜜糖醬~

豬手好嫩滑架, 豬手皮又脆, 呢個必食, 好正~!

老實說, 周圍食咁多間豬手, 我最鍾意就係食呢間~!

而酸菜唔會太酸, 食咁多肉, 中間食下酸菜可以消消滯呢~

薯仔沙律都好食, 愛吃薯仔的我食呢個豬手好滿足~

最欣賞呢度的豬手就係......睇下, 脆豬皮下的肥膏批走左7-8成, 有油香之餘減少油膩~

啱晒我~ 唔洗我慢慢咬走d肥膏 :P

食德國野除左食豬手, 就緊係要食德國腸啦~

德國腸配左薯角, 薯角炸得又乾身又夠脆!

配左芥醬同茄汁, 比咩醬汁都好, 我都係鍾意點返豬手果個蜜糖醬~

德國腸有3款, 全部都咸咸香香~

最鍾意食橙色果款腸, 好似有些芝士~

而最深灰色果款好'酥'的, 我就唔 like 喇, 我好怕'酥'的~

其實兩個人食, 食以上2款野都一定夠飽~

但係, 見到餐牌有焗薯條, 仲要 with Spring Onion Cheese!! 忍唔住叫埋! 點知真係好大盤呀~

睇下 d cheese 扯到幾高~! 真過癮~

唔知點解蔥味唔係好出到, 不過有芝士都好好味~

但食完面果層, 底果層就冇芝士, 其他人可能夠, 但我呢d芝士怪就唔夠喉~

底果層的薯條, 我又不停咁點豬手果個蜜糖醬~

報告完畢~