潔臉3寶@ Dream Skin Pore Clear 零毛孔蝸牛美白系列

清潔係整個護膚程序的第一步, 亦是很重要的一步, 今次搵到嘅好幫手就係韓國品牌Dream Skin嘅Pore Clear零毛孔蝸牛美白系列~!
包括「零毛孔蝸牛美白彈力洗面泡泡」、「零毛孔蝸牛美白清潔泥面膜」及「零毛孔蝸牛美白去角質泡泡」~~~

Dream Skin產品採用天然草本成分研製, 唔容易引起過敏反應架~~
品牌更獲漢城國立大學醫院整形外科系主席兼韓國Dream Medical Group大型醫學美容集團董事長朴良洙醫生所肯定, 具醫學級美容療效。

不過都係果句, 試一試最實際~~~

產品轉些少包裝, 用番張新相逐一講下、試下先~!

首先係零毛孔蝸牛美白彈力洗面泡泡~~

蘊含蝸牛分泌物濾液、斗蓬草萃取、歐蓍草萃取等活氧成分~~

使用方法：擠出約乒乓球大小的泡泡於掌心, 讓泡泡停留在臉上約5-10秒鐘, 用手稍微按摩臉部, 再以清水洗淨。建議每天早晚使用。

用過咁多隻即刻擠出泡泡的洗面泡來說, 呢隻零毛孔蝸牛美白彈力洗面泡泡嘅泡泡真係好濃密同實正, 完全可以發揮泡泡在洗面時保護面部肌膚的作用~!

而且, 細密的泡泡能深入毛孔, 比張對比照大家睇睇, 毛孔真係即時乾淨左好多, 而且洗面後, 塊面唔會繃緊, 仲好滑添呀, 感覺好正~!

潔臉第2寶就係零毛孔蝸牛美白去角質泡泡~~~

蘊含豐富的蝸牛分泌物濾液、綠茶、蘆薈及西柚等天然成分~~

嘩~~~ 仲話有10大護膚功效架：黑頭粉刺一擦清、去角質、收細毛孔、預防及改善痘痘、淡化痘印、美白保濕、控制皮脂分泌、平衡肌膚pH值、抗氧化 & 防敏感。

使用方法：潔面後, 先上下搖動枝去角質泡泡, 再擠出取適量泡泡均勻塗抹於乾爽面部(避開眼部及唇部位置), 輕輕打圈按摩, 擦走多餘角質及污垢, 以溫水清洗乾淨, 再進行日常的保養程序。建議每週使用2-3次。

佢個噴咀好得意, 好似吱緊忌廉咁~~~
擠出來的泡泡亦是很細密挺身, 向面上打圈時我覺得好似聞到橙味咁 :P

不消一會, 就有好多好似擦膠碎咁嘅物體, 用完後塊面又係唔會繃緊喎, 所以感覺好舒適, 而且最重要係, 毛孔真係又乾淨左~!~!

潔臉第3寶：零毛孔蝸牛美白清潔泥面膜~!

成分中的蝸牛分泌物濾液令肌膚長效保濕；而柑橘萃取精華、佛手柑油、萊姆油能軟化角質細胞，且具抗菌消炎、美白及長效控油收毛孔的功效。從天然植物萃取的毛孔收斂淨化精華, 可深層清潔毛孔內有害毒素, 提升皮膚彈性, 對油性皮膚更為見效。

使用方法：用內附的勺取出適量清潔泥面膜, 將面膜厚敷在乾爽的臉上15-20分鐘, 變乾後以微溫水洗淨。建議每週使用2-3次。

佢個樣好攪笑穿左好多窿窿咁, 好彩有個膠勺, 咁就比較害易攞到需要嘅份量。

而個小膠蓋我都覺得好緊要, 因為有左佢, 面膜就會保存得好D, 唔會咁容易變乾。

記住要厚敷唔好慳, 頭先嘅穿晒窿一敷上面後就變番普通的泥 mask質地, 又幾好玩喎~!

乾左之後仲見到毛孔, 好似好深層清潔左咁, 未睇成效之前我已經覺得好有成功感喇~!

再睇睇成效先~!

從左至右, 係我由原本肌膚 => 用左零毛孔蝸牛美白彈力洗面泡泡 => 用左零毛孔蝸牛美白去角質泡泡 => 再用埋零毛孔蝸牛美白清潔泥面膜~~

真係越來越乾淨~!

我最鍾意係零毛孔蝸牛美白清潔泥面膜, 除左佢質地夠新奇外, 主因係用完佢毛孔又真係再乾淨D, 直頭會見到毛孔有番D窿窿出番來, 即係真係清到D污垢出來~! 當然, 我都相信有D成果係之前果兩寶積落嘅福。

整體來說, 我好滿意Dream Skin嘅Pore Clear零毛孔蝸牛美白系列, 最值得讚係產品能夠清潔之餘, 肌膚都唔會覺得繃緊, 所以塊臉好舒服。

產品向去黑頭粉刺角質、收毛孔同埋控油方面都好好~~~

*以上產品由品牌提供