德褔廣場美妍工作坊＠LANEGIE時尚韓妝教學

Telford Plaza X she.com Beauty Workshop 2013?

係呀係呀, 我就係去左德褔廣場同she.com攪嘅活動喇, 真係好開心呀, 又有得參與其中, 大家有冇留意, 其實德褔廣場真係耐唔耐就同she.com攪嘅活動架喎~!

而今次嘅品牌主角就係 LANEGIE 喇~!~!

估唔到仲有飲品小食~~ 啱喇, 我好肚餓呀~ 我揀左好好味嘅朱古力 cup cake 同埋個樣好靚嘅飲品……見到佢咁靚即刻揀佢, 但原來飲品係有薑味架, 好彩, 薑我都OK嘅~~

好快就到最精彩嘅環節, 就係有星級化妝師will or 教我地化韓妝：畫一字眉、粗眼線及咬唇妝~!~!

我覺得will or真係好有心、好有準備, 人又nice~!~!

睇佢示範, 好明顯will or係諗好晒盡量向有限嘅場合, 都可以簡而清咁過幾招化妝技巧比我地, 佢出發點係想我地明白同埋學得到, 唔係淨係純粹示範比我地睇~!

對我呢種化妝技巧一般般的人, 又上了寶貴的一課呢~~~

我仲記得畫一字眉要橫畫, 畫粗些少都唔怕, 唔好畫到下墜, 而眼線呢, 就要畫粗D, 唇妝就可以用nude色打底, 再用比較顯色的塗在上、下唇的中間位置~!
點解我印象咁深刻? 除左因為will or教得好同埋我留心之外, 仲有就係我舉手參加左即場試一試~!

最比心機就係畫左條一字眉, 向咁急嘅情況下真係好緊張呢~~~

好好彩有位工作人員從旁指點我~ 但我都唔係好夠膽畫眼線, 因為緊張到有D手震 :P 但係真係好好玩呢~

而我都好努力畫埋個心型咀架~!~!

will or 比左8分我, 我咁水皮都有8分, 你話will or係咪好NICE呢?

今次活動的禮物~~~

嘩~!~!~! 好豐富呀~!~!

係呀, 因為除左人人有的禮物之外, 做即場學生哥後, 仲有好多禮物架~! 開心到不得了~!

好多謝she.com及德褔商場的邀請, 讓我可以參加到又好玩又學到野嘅活動~! 期待一次又一次咁參與she.com及德褔商場的活動~!