德褔廣場美妍工作坊＠Melvita 有機護膚大法

德褔廣場同she.com又攪活動喇~!
今次係一個好吸引嘅品牌~~~就係……

~~~ Melvita ~~~

節見開始前有好味又精美嘅 cup cake &飲品~~~ 真係花多眼亂~!

為配合主題, 我揀嘅飲品都同 Organic 及 flower 有關架 (馬後砲中……)

活動一開始就有小活動, 比我地試食, 分辨一下有機同天然食品的分別~~
有機就一定係天然, 但天然又唔一定係有機架喎~!

有機成份來自有機耕種, 唔用化學農藥、化學殺蟲劑, 唔用基因改造農作物……

Melvita係一個有機品牌, 所以都會見到佢地嘅product 上會印上有機認證~! 就係圖中BIO 果個logo 喇~!

跟住就到龍鳳媽媽&星級化妝師Winki Tsang出場喇~

Winki 即場示範左好多肌膚急救小貼士~!

而我地就緊係又將Melvita嘅product 即場試上手啦~~

講完唔記得? 唔怕~! 當日唔在場? 唔怕~!

因為有呢張小秘笈, 依照住呢張小秘笈所用嘅產品同方法急救肌膚, 咁就算有敏感突襲、眼部浮腫、肌膚疲倦暗啞, 又或者肌膚乾燥唔上妝都唔怕啦~!

有一點要留意, 唔係每種粉底都可以溝得埋有機堅果油架, 所以事前要試清楚先~~

最最後, 仲試埋Melvita嘅有機蜂蜜產品, 真係各有特色~!

參加呢類型活動真係好開心, 好多謝she.com及德褔商場的邀請, 又可以認識品牌多D, 又可以認識佢D product 多D, 仲可以即場住試唔同 product 的質感~!

仲有就係……仲有產品可以帶走, 大家話係咪真係超高興 ?!?!

以上就係當中嘅禮物~!~!

Melvita嘅有機玫瑰花水係Melvita最熱賣嘅產品, 今次有得試下喇~!~!~!

而我本身都用緊佢嘅有機水仙美白精露, 係Melvita熱賣品第3位架, 我覺得佢超級好用, 好鍾意將佢配合導入機用, 真係好保濕, 除左即時保濕外, 仲keep到第二日都塊臉都唔乾~!~!

等我用完枝有機水仙美白精露後, 再試埋今次呢枝有機玫瑰緊緻精露, 睇下係咪都係咁正先 :)

再次多謝she.com、德褔商場, 仲有Melvita, 期待再有機會參加您們的活動呢~~~