FANCL 「溶解黑頭。毛孔細緻套裝」
這個「溶解黑頭。毛孔細緻套裝」(Pore Treatment Kit) 已經是一個月前買的了，就是因為這一個套裝，我陸續的愛上 FANCL~~
黑頭潔淨面膜 Pore Cleansing Pack
雖然指引話每星期一至三次，不過FANCL 姐姐話產品性質溫和，日日用都得，咁我就一得閒就用。
感覺黑頭少左，做Facial清黑頭時冇咁痛，易清左，我仲再走番去FANCL，叫FANCL 姐姐用部機睇下我皮膚底層，WOW…… D 螢光點真係少左呀!!! (螢光點=底層毛孔閉塞)，值得推介推介呀～
T區毛孔細緻面膜 T Zone Mask用後感覺滋潤但又唔會 “黏 lum” ，待一會D精華就會吸收晒，所以好啱混合性、油性或暗瘡皮膚人士用，太“黏 lum” 的MASK太好營養，會養大D暗瘡。
呢隻面膜好處係專攻T字位，唔知大家有冇發現，平日做紙MASK 時，T字位係最快被吸乾架。但唔好處亦都係只得T字位，所以啱唔啱用就好睇你做MASK做得密唔密喇～！
毛孔緊緻控油精華 Pore Essence要一句總結的話就係：「真係好控到油！」
油脂分泌係黑頭、走米、暗瘡成因，所以呢枝精華係治「本」產品，FANCL 姐姐話長遠仲會抑制油脂腺的油脂分泌，不過長遠功效係點仲未能準確話比大家知，皆因近來天氣轉涼，本身都會少左油脂分泌。
最抵係呢SET 做緊Promotion，成6折，買得多折得多，買3盒的話，每盒$288，仲要送一盒補濕淨白面膜，就係因為試用左呢個美白MASK，又覺得太好用了，所以又要破費～～
補濕淨白面膜（White Mask Plus+）
質感同T區毛孔細緻面膜相似，滋潤但又唔會 “黏 lum”，而且剪裁非常好，使用時面膜非常貼服，用過咁多隻紙MASK，佢係最貼的～！
補濕功效好好，咁啱去FANCL check 毛孔時，因臨近冬天，check 埋水份，我係合格有找架，Wahkaka~! 就係用左佢~ 美白功效都唔錯，所以試用左一盒後就入左貨喇～～
遲 D 仲有其它FANCL 產品向大家介紹，預告左先，我買左Set 膠原緊緻套裝 (Precious Beauty Selection) 迎接冬天來臨，又係好抵，差不多半價!!! 試左好唔好用再同大家分享~~