Selling point 係保濕嘅防曬@Neutrogena Hydro Boost Gel SPF 30 PA++

這一陣子受到炎夏的影響, 心神都不停追求SPF50 及 PA+++嘅防曬產品, 非常清爽, 唔知大家係唔係同我一樣呢?

但用用下就發現有啲問題, 就係……皮膚變得好乾~!!! 

成日都好似有啲白色粉末向面。

我嘅解決方法係, 用番冬天嘅保濕精華打底, 太乾嘅問題稍有改善, 但又好似好“淋”。

直至遇上
Neutrogena Hydro Boost Gel SPF 30 PA++

發現自己好似兜左個大圈, 其實有枝保濕嘅防曬咪得囉

Hydro Boost Gel 重視 「內保濕、外防曬」

其實平日嘅紫外光 & 日常燈光等等, 都會導致肌膚水份流失

個個都知保濕好重要, 所以, 而家連防曬呢個 step 都可以保濕, 你話幾好?

一齊睇下好唔好用先就最實際

Hydro Boost Gel以泵裝設計, 方便衛生

淺藍色Gel 狀, 微香, 很易推開

夏天就最怕“痴淋淋”, 試上手背再用面油紙 test 下先

好清爽呀, 果然係不含油脂嘅防曬, 不消一會就吸收左, 很水潤!

再試上面先……

面要較多嘅時間吸收, 大約 15 分鐘, 不過15 分鐘時間唔大問題, 因為防曬本身都係需要向日曬前 15 - 30分鐘塗上。

個人感覺, 相對賣點係清爽嘅防曬, Hydro Boost Gel唔及佢地清爽, 不過都唔算“淋”, 我接受得到, 但一定保濕過佢地好多, 連續用左幾日, 每日用上一整天, 皮膚都唔覺得乾, 亦唔需要專登用冬天嘅保濕精華補飛。

又用面油紙 test 下先

鼻位有少少出油, 我真係要加緊一下保濕工作了。

我對呢枝Hydro Boost Gel仲有一個新發現, 之前冇預計架, 就係用左佢之後, 塗base 塗得好順, 亦較以往上妝, 整個妝貼服晒 :)

點解枝防曬會咁保濕呢?

因為Hydro Boost Gel含有由HA精華 (透明質酸) 提煉嘅升級「12小時漸進式保濕系統」, 又有橄欖精華。

會唔會唔夠防曬架

用左幾日都冇曬黑, SPF 30 PA++ 都應付到日常生活, 我有信心繼續用

不過, 我去沙灘的話或全日戶外活動的話, 我都會選用番SPF50 PA+++再加埋防水嘅防曬。

如果你都想防曬同時做埋保濕, 又或者你都發現清爽型嘅防曬令到你啲皮膚好乾, 咁就要試下呢枝 Neutrogena Hydro Boost Gel SPF 30 PA++ 喇 ~~!!!

為肌膚度身訂做之珍貴漢方護膚品@MTM Custom-blended Reishi Mask

今次一試MTM 新品, 真是一個很好的體驗。

好鍾意MTM 0既selling point：

「個人護膚。專屬處方」

知道有試用的機會後就一直很期待，而我的期待絕對沒有令到我失望～！

今次試0既新品就係

MTM Custom-blended Reishi Mask

匯集了七大漢方珍粹 ─ 赤芝、紅蔘、車前子、當歸、芍藥、川穹及地黃，帶來養膚同時健膚之效，猶如讓肌膚喝一碗養顏湯。

有興趣可以睇番 MTM 個網頁

期待已久0既體驗日，首先一去到，BA就要我先填一份問卷，了解我的皮膚狀況，再同我談談心，哈哈，以便調教屬於「我」「個人」的「專屬處方」。

經一番討論後，我要處理：缺水問題，仲有暗啞、面部泛紅，仲有仲有，我最唔想接受的……衰老問題 (縮細D先)!!! 

一路都諗住……保濕多D就唔會有乾紋，而自己係混合性皮膚，毛孔大係要處理，不過都好正常，但再望真D，毛孔唔止大，仲有……下垂……跡象!!!天呀!!!

其實有乾紋都化表鎖水能力下降，而家加埋毛孔下垂，我諗真係要面對一下現實，及早處理了。

最後，我的專屬Custom-blended Reishi Mask就加了有效保濕的「多元水漾精華 Aqua Moist Essence」& 抗衰老的「銀杏精華 Ginkgo Extract」

現場試用後，效果好驚喜，真係好明顯即時有效，係即時呀！

冷靜D <= 係當時我個心同自己講0既說話

送左7g比我，話可以用2次，番屋企再試真D先……

番屋企第一時間係……search 下佢幾多錢先 ^ ^

MTM Custom-blended Reishi Mask 50g 盛惠 $1,380

就價錢來說，真的很專貴 =.="

到試真D時間了

使用前

鼻樑同眼下都有乾紋，毛孔有幾大，大家都睇到，仲有色斑

使用中
雖然說明書話唔敷眼，不過BA姐姐話得，咁我就敷埋眼啦~

連續用左2日，7g的份量，實在是唔夠用2次

用左第一次，只剩咁多

話敷20分鐘，但到15分鐘時，眼下、咀角、面都已經起乾紋了

即刻洗，我想是因為塗得太簿了，真係唔慳得。

第二日再用，剩餘的只足夠塗上重災區，這個厚度就最FIT

使用後

在未塗上任何爽膚或乳液之前

• 皮膚好滑 :)
• 眼下乾紋冇晒，望上去好飽滿，仲即時緊緻左。
• 皮膚即刻白左，主要係因為降左紅，再加埋光澤感高左，所以感覺亦冇咁暗啞。
• 頭先提過效果好驚喜，係因為連毛孔都即時見到收細左，同埋冇下垂，真係未試過用護膚品係會即時對毛孔有效。
• 對色斑似乎就冇咩作用。

不過快樂０既時光過得特別快，大約keep 到一日多，又慢慢打回原形了。

7g的份量用唔到2次，用1次就差唔多

計下數先

• 50g/7g= 7次
• $1,380/7次 = $197 一次

個價錢對我來說其實都真係幾專貴，雖然今次試左真係好滿意，邏輯上皮膚應該會逐步改善而唔需要用得咁密，不過以我現時情況，最好就隔日用，隔日用的話……$$$$$$$$$......

後記：

係度要讚一下MTM BA姐姐，討論我的皮膚問題時，就好似同 Friend 傾緊咁，因為BA姐姐會分析我平日生活習慣點影響膚質，過度清潔、用起泡潔面產品等等都會引致缺水，指出我應該用邊類型產品，又上左一堂。