又估唔到咁清爽滋潤喎@ collagen by watsons骨膠原滋養緊緻肌底液

Watsons 自家品牌護膚品真係未試過喎~~~
今次, 就試下佢~~~ collagen by watsons骨膠原滋養緊緻肌底液~~~

(哈哈, 個包裝同枝product 嘅 size 好似有D唔成比例 :P)

最最最鍾意就係標明出產日期同有效期, 仲講明通過皮膚測試。

無論你點泵都好, 都只係會泵到圖示的肌底液份量, 可能因為上面個泵嘅高度有限。而家用就冇咩問題, 不過會擔心用到尾時難泵D。同埋個泵唔到底, 我估最尾都係要倒出來先用到。
整體來說, 我都係鍾意傳統的泵, 方便D。

肌底液是透透明明的質地, 微微的香味, 都唔錯。好易推開, 好快被吸收。

• Watsons 一向都有出自家品牌嘅野, 之前都有留意同用過, 不過只限一般日用品或BODY野, 護膚品就真係未試過喇~!
• 老實說, 初時對Watsons冇咩信心, 我覺得咁大品牌一定唔會敏感嘅, 不過未必會好用。
• 但一試之下, 又真係幾驚喜喎~! 本身呢枝骨膠原滋養緊緻肌底液都好快被皮膚吸收, 一D都唔黏稠, 用左2-3日之後, 又估唔到真係feel 到之後用嘅精華同晚霜都吸收得多左。
• 用落就覺得皮膚水潤左, 所以我都覺得保濕度唔錯。
• 反而係包裝呀, 樽身設計呀就好似唔夠高貴, 雖然話最緊要係產品好用, 但外表唔夠吸引的話, 又真係會影響購買意欲架嘛~~

易梳不結塊@WOWWOW魅幻纖長睫毛膏

品牌名稱好特別, 叫「WOWWOW」~~
今次用嘅睫毛膏就係Fake Eyelashes Mascara魅幻纖長睫毛膏

睫毛膏嘅刷頭明顯地一邊長、一邊短, 當然係有個別作用啦~!

使用方法：

1. 先以長刷毛從睫毛根部向外以Z字型刷開；
2. 再使用短刷毛向上掃，可立刻締造豐盈纖長效果；
3. 半乾狀態下，重覆步驟1及2，讓睫毛沾上纖維，可不斷無限駁長睫毛。

未用睫毛膏前, 就是平平凡凡的一雙眼~~

用上魅幻纖長睫毛膏後, 冇用眼線、眼影嘅配襯下, 都覺得雙眼即時有神左~~

換一換角度再睇睇先~
只係塗上1-2次, 睫毛好快、好易就已經增長左~~

• 我呢D化妝技巧一般般嘅凡夫俗子, 就緊係最著重化妝品嘅易用程度啦~!
• 跟番指示, 用長刷毛從睫毛根部向外以Z字型掃上Mascara, 好易掃~!!! 化基本妝的話, 我覺得掃一次都已經足夠, 一掃已經增長左好多。
• 不過, 以我個人需要來說, 係追求濃密多過增長, 所以就急不及待用短刷毛向上掃, 希望有豐盈效果~~ 
• 但係……我即刻就「督」到隻眼……短刷毛果邊都真係幾短, 所以對我黎講有D難控制 :P
• 試左幾次之後, 我都係決定用長刷毛以Z字型掃上後, 再用長刷毛向睫毛根部左右郁, 唔再拉長, 咁用法就啱晒我喇~~

整體來就我覺得呢枝Mascara幾好用, 都真係幾易掃, 又唔會結塊, 同埋夠黑。掃濃D的話, 都有少少畫左眼線嘅感覺。
正價百幾蚊, 而家做緊特價, 九十幾蚊就有交易喇~~~ 抵用~!

快速吸收又保濕@自白肌。玻尿酸濃密保濕化粧水

呢枝就係敏感肌都用得嘅「自白肌。玻尿酸濃密保濕化粧水」喇~! 

無香料、無酒精、弱酸性

滴出來時, 保濕化粧水質地有些「杰」, 冇咩香味。

雖然包裝寫晒日文, 但其實佢係台灣野黎架~~

成份包括：高智慧導航型玻尿酸、小分子滲透型玻尿酸、高密度鎖水型玻尿酸。

使用前：洗完臉後總是覺得崩緊, 乾紋在所難免。

使用後：乾紋即時消失

• 唔好以為呢枝「玻尿酸濃密保濕化粧水」質地咁「杰」就會好黏膩, 塗上臉後, 真係吸收得好快, 快到你唔信~! 基於佢嘅質地, 我都係鍾意只用手塗上。
• 洗完臉後塊臉崩崩緊, 塗上呢枝自白肌後, 就即時唔崩緊喇, 乾紋亦即時消失。
• 我試左只塗上呢枝自白肌, 冇再塗精華或面霜, 向呢幾日嘅天氣下, 大約過左2-3小時後, 塊臉都冇變番崩緊, 所以我覺得佢嘅「吸收得快」, 產品係真係被皮膚吸收左, 而唔係唔知咩成份向產品入面令佢蒸發走。
• 不過我臨瞓前, 都緊係塗番精華、面霜啦~! 但我忽發奇想, 對D完全唔護膚嘅男士, 呢枝自白肌可以比佢地嘗試為第一枝護膚品, 因為夠保濕得來又夠清爽, 我估未用過護膚品嘅男士們應該接受得到~~

減少頭髮掉落＠LSnP強效注養活髮洗護系列

呢2枝就係LSnP嘅強效注養活髮洗髮露 & 潤髮乳喇~!

產品含有透明質酸、白花春黃菊花提取物及多種礦物質, 為秀髮補充流失的營養、減少毛囊阻塞, 降低頭髮變幼及掉落機會。

洗髮露是透明的, 適度的香味, 仲可以搓出好多泡沫。

而潤髮乳呢, 都是適度的香味, 乳白色狀, 塗上頭髮後, 就終於可以用手梳順D頭髮喇~!

用左約一星期後做左個檢視, 頭髮脫落情況真係改善左喎~! (上圖使用前、下圖使用後)

使用後頭髮都唔會太蓬鬆, 而且頭皮冇咁易出油 (左圖使用前、右圖使用後)

• 雖然我唔係頭髮稀疏, 但頭髮掉落、拆斷的情況有時真係會嚇親人, 曾經試過被人懷疑我係唔係有暗病 =.=”所以我都想頭髮生長得健康D。
• 好多人對掉髮原因都有唔同睇法, 我係咩原因就真係唔知, 但試左LSnP強效注養活髮洗護系列約一星期之後, 頭髮掉落嘅情況真係改善左, 佢嘅香味唔會太濃烈, 洗髮露又易起泡, 感覺好去油, 去到有D「絕」手, 但之後用番潤髮乳, 頭髮就可以梳番順。
• 由於洗髮露好去油, 所以會有D驚用後頭髮會好蓬鬆, 但情況比想像中好得多, 落番D gel, 頭髮都唔會變得好大把。