色斑真係淺左@Mask House Celebrity純羊胎幹細胞極緻漾白精華

近來嘅天氣, 保濕好重要, 而對我來說, 仲有一個肌膚問題, 係我一年四季都好重視, 就係美白去斑~!!!!!

色斑一向以來都係我好關注嘅問題, 今次就要試下用韓國出品嘅……

「Mask House Celebrity純羊胎幹細胞極緻漾白精華」

衝擊一下D色斑~!

其實一聽個名, 有D驚, 又羊胎、又幹細胞咁, 但朋友仔話 Mask House D Mask 幾好用, 而且見到產品介紹寫住：「全面擊退深皺、色斑」、「透白粒子抗氧力量, 化解深層黑色素及沉澱色斑」, 嘩~~~深層嘅沉澱色斑喎~!!!

其實呢枝精華仲有一個重點係緊緻架, 不過我已經比佢嘅化解深層沉澱色斑吸引住, 大家可以睇下佢嘅全面介紹~

講多無謂, 睇到成效先最實際~!

我用左大半個月, 使用前嘅相~

色斑真係好明顯呀 :(

呢枝精華透明中有D黃色粒粒, 一塗上臉已經被吸收晒~! 超級快~~ 塗上臉後一D都唔會黏淋~~

用左大半個月之後~~~

我覺得D色斑真係淺色左D 喎~!!!!!!!! 超開心呀~!!!!!!!!!

仲有, 臉色都好似紅潤左, 透白左, 你地覺唔覺呀?

開心完之後, 就會貪心, 唔知色斑可唔可以 Keep 住淺色到唔見左呢?

大家想試的話, 可以去萬靈買, 佢原價3百幾15ml, 而家見到萬靈做緊特價, 賣百幾蚊~!

保濕得來又唔怕會養大粒暗瘡嘅精華@ Heynature升級版水潤保濕精華素

近來嘅天氣真係乾到不得了, 所以近來都會好留意一d保濕嘅產品。

最近就試左……

Heynature升級版水潤保濕精華素

蕴含豐富透明質酸

能為疲累缺水肌膚注滿及有效鎖住水份, 有助提升肌膚水潤透明感。

加上蘆薈及馬齒莧萃取液

對痘痘、敏感及問題肌膚有鎮静修護改善的功效, 有助促進皮膚新陳代謝和令皮膚組織再生, 發揮保濕、舒緩雙重功效。

增強肌膚抗氧化能力

淡化黑色素, 改善暗淡肌膚。

Heynature升級版水潤保濕精華素係透明啫喱狀, 我每次都會用3泵份量(全臉), 冇香味。

使用前, 天氣咁乾燥, 乾紋盡現, D乾紋45度角向下, 個人望落老晒, 攪到毛孔睇落都大左, 同埋個感覺好崩緊, 好唔舒服!

用左保濕精華大半個月, 保濕精華塗上臉後好快就吸收, 很水潤嘅感覺, 肌膚即時變得飽滿有彈性, 而且變得有光澤, 睇下~~~

整體成效

我會覺得不過亦不失, 只係不過不失, 點解呢?

保濕精華確係即時有效, 水潤感都幾強添, 就算係最涷最乾燥果幾日都感覺到肌膚即時水潤。

不過……我覺得最涷最乾燥果幾日用嘅時候, 產品嘅持久力爭d。

因為果幾日我3-4pm開始, 就會覺得塊臉有d乾。

平日我用完精華會直接塗防曬乳液, 呢幾日塗上精華後, 就要塗多一層lotion後, 先再用防曬乳液就ok 喇~~~

所以我覺得呢枝精華向一般冬天嘅日子用都足夠, 但最涷最乾燥嘅日子, 就要加多層lotion。

有暗瘡嘅皮膚就啱晒

另外, 我覺得呢枝精華尤其適合一d有暗瘡嘅皮膚, 因為佢嘅保濕係水潤果種而唔係好滋潤果種, 用完都唔會養大粒瘡, 呢點好正~!!!

如果大家想要一枝試下, 盛惠 $328/50ml, 我見到莎莎有得賣 ^ ^

你愛看舞台劇嗎@失戀單位@仲有好歌推介

大家喜歡看舞台劇嗎?

我就幾鍾意睇喇~~~

因為我覺得舞台劇夠真實, 有時又會加插互動環節~~

最重要係, 睇完或睇緊舞台劇時, 往往會令你聯想起身邊好多人和事, 有些甚至乎會令你作出一d反思。

而呢個聖誕節, 我就去左香港演藝學院睇左一個劇~!

就係……失戀單位

仲見到有得賣潮性辦公室隻碟添, 其實我都幾鍾意睇鄧志堅, 不過佢而家唔見左, 唔知佢去左邊呢?

講番套劇先~~~

劇中有幾個小愛情故事, 道出唔同種類嘅戀愛、唔同嘅愛情觀, 呢個劇由泰臣、蝦頭、藍真珍 & 梁浩邦主演, 個劇最正就係……就算你睇完冇共鳴、冇回嚮都唔緊要, 因為你會……笑足全場~!!!

我最鍾意就係泰臣扮鍾醫師 (中醫師) 果個故事, 泰臣扮老人家真係好似, d 語氣同埋d動作好攪笑, 睇睇下, 覺得其實佢扮嘅老人家d神態好似「麥加」。

同埋, 做舞台劇, 忍笑功力真係要好深厚, 冇得NG, 佢地個個演員都真係全程投入, 冇人忍唔到笑喎~! 勁~!!!

仲有, 呢個劇帶左一首好好聽嘅歌比我, 就係曲婉婷嘅 Drenched, 平日都冇留意, 大家一定一定一定要花少少時間 click 入去聽一下~! 就係因為呢首歌, 我呢幾日不停聽曲婉婷嘅歌, 佢唱歌真係好正 ^ ^

http://www.youtube.com/watch?v=mZPjyWPYP7s

最最後, 4位主角可以同大家影相, 勁多人, 我就冇排隊影喇, 擠擁中影左張, 太擠擁喇, 所以相片質素爭D :P

夏天一流、清爽控油～～冬天爭D@NIVEA嬌柔潔面啫喱 & 爽膚水

讓我認識NIVEA 係因為佢嘅眼霜, 又平又好用~~~

今次就試左佢嘅洗臉同埋爽膚水~~~

NIVEA嬌柔潔面啫喱 & NIVEA嬌柔爽膚水

仲有埋到期日，最鍾意~~

嬌柔潔面啫喱不含梘性配方，蘊含多種維他命及蓮花精華為肌膚深層補濕，潔淨及平衡肌膚水份，適合中性及混合性肌膚使用，而且仲經過皮膚科專家測試認可。

潔面啫喱透透明的，氣味平實，有D沐浴露feel~~~

可能因為不含梘性，所以不停搓都唔會有好多泡，就算用埋D起泡工具都唔會搓到好厚嘅泡沫~~~

其實佢說明用法係直接摔上面，不過我個人就摔起左泡先同埋鍾意用厚厚嘅泡洗臉多D~~~

用完之後，最大感覺係~~~~~

塊臉好滑喎~!

總結：潔淨度唔錯，用後皮膚少少乾，程度都仲可以接受，皮膚摸上手即時滑左，如果可能搓到多D泡，我相信我就會喜歡佢多一點~~~

好，再講講NIVEA嬌柔爽膚水先~~~

一打開呢枝爽膚水，隱約聞到D酒精味~~~

聞到酒精味，最驚就係會……敏感……

睇番成份，真係有酒精喎~!

個人對含酒精嘅產品唔會真係好抗拒，夏天時用一D適合抹臉嘅濕紙巾，其實都含有溫和嘅酒精，但轉季時我都會避用含酒精嘅產品，因為一敏感左，就真係會樣衰最少幾日~!

今次呢枝NIVEA嬌柔爽膚水蘊含多種維他命及蓮花精華為肌膚深層補濕，潔淨及平衡肌膚水份，亦同時皮膚科專家測試認可，用左約10日，皮膚冇敏感。

用上嬌柔爽膚水後，個感覺係塊臉好乾淨，再望下塊化妝棉，見到化妝棉嘅污濁，就知自己冇feel 錯~!

爽膚水嘅保濕度我就覺得一般般，但因為佢令塊臉乾淨，所以之後用嘅護膚品都好似吸收得好D，仲有，用完之後又係覺得塊會好滑架喎，亦感受到佢嘅控油效果~!

總的來說，我會取向夏天先用NIVEA嬌柔潔面啫喱 & 嬌柔爽膚水，而家嘅天氣再加上我近期嘅膚質，我覺得保濕好重要~~~

至於一講到價錢，NIVEA真係贏晒，唔洗 $130 就有齊呢 2 樣產品喇~~~

不一樣的滋潤@MTM Aromatic Body Mist

仲記得第一次獲得iMORE 試用邀請係 Body 產品, 今次再試 Body 嘅產品好有回憶呢~~~

今次試用嘅就係……

MTM Aromatic Body Mist

一見到人佢係 Mist 嘅感覺係悲喜交雜。一方面覺得好方便, 但另一方面好怕一噴就伯覺得好涷~~~ 

好彩近來嘅天氣用落都OK~~~

枝Body Mist都可以噴得好散, really good~~~

都已經正式入冬, 冬至都就到喇~~~
所以……睇下我D皮膚乾到呢……

噴完Body Mist之後皮膚除左滋潤左外, 光澤感都會提升~~~

初時仲以為係好水果D 質感添, 原來唔係~!

5用左幾日之後、未噴Body Mist前嘅皮膚都已經滋潤左好多~~~

不過都唔算平呀, $480/100ml, 而家天氣咁乾燥, 噴噴下咁都用得幾快架~~

呢枝MTM Aromatic Body Mist 包裝不過亦不失, 好花香嘅味道~~~

噴得好散呢點值得一讚, 用後即時見效, 最令我驚喜係MTM Aromatic Body Mist 嘅質地, 我仲以為好似爽膚水咁, 但原來係油油地架~~~ 
攞黎做按摩油都得~!

呢一種油油地我好鍾意, 皮膚一D都唔會覺得太重負擔, 因為吸收得好快, 滲透度好高。亦因為佢油油地, 滋潤感好實在同埋 Keep 得到耐D。用左幾日後, 夜晚未噴Body Mist之前, 都見得到皮膚滋潤左好多, 冇咩皮屑見到。仲有仲有, 皮膚滑左好多~!!!!

唔知大家有冇聽過, 要補濕的話唔單止要補水, 係要水油平衡, 所以適當地補充油份都好重要~~~ 
今次一試, 又真係覺得有D道理喎~!!!

自然唇色持久滋潤@MAYBELLINE BABY Baby Lips Glow

MAYBELLINE呢個牌子我相信個個都識, 今次試左佢3枝潤唇膏, 包括: 

MAYBELLINE BABY LIPS GLOW 、

MAYBELLINE BABY LIPS COLOR  & 

MAYBELLINE BABY LIPS~~~

雖然咁樣望上去3枝嘅顏色好似好大分別, 尤其是最右邊嘅紅色好似好紅, 但其實塗上後都是透透明的。

而2枝當中我就最鍾意呢一枝：MAYBELLINE BABY LIPS GLOW甜美粉紅 (淺粉紅)。

佢吸引嘅地方, 除左係夠滋潤外, 仲有一點好有趣, 呢枝 Baby Lips Glow 會同唇部產生化學作用, 調節出獨有嘅粉紅色。

使用Baby Lips Glow前, 咁嘅天氣, 乾紋唇紋一定有, 唇色亦較淺咁暗。

使用Baby Lips Glow後, 唇色明顯深粉紅左同埋有光澤, 乾紋唇紋冇晒~!

向秋冬天, 潤唇膏真係消耗得好快, 所以要物識一枝平平地又幾好用嘅潤唇膏係好重要。

Baby Lips Glow有淡淡的香氣, 味道討好, 不過其實你塗上後, 就唔多再聞到呢陣香味。

佢嘅包裝比較少女, 我估男士未必鍾意, 在一些重要場合要帶潤唇膏的話, 因為包裝問題, 我都未必會帶呢一枝, 但大多數時間都OK。

但最實際都係講番功效, 用左Baby Lips Glow後, 唇部乾紋唇紋都冇晒, 唇色明顯深粉紅左同埋有光澤, 不過佢始終都唔係唇膏, 所以我較暗啞嘅上唇, 塗上Baby Lips Glow後, 都仍然係暗啞, 但光澤感就會增加。

而Baby Lips Glow嘅滋潤感都keep得到好耐, 基本上唔係食完野的話, 我唔需要再補塗。$29/4g/1枝, 呢個價錢有咁嘅質素, 我就覺得好好喇~!

洗頭呢一步已感到修護@TRESemmé 維他命 E 深層滋潤洗髮露

平日一提到修護髮絲, 都一定會即是想起焗油呀、護髮素呀咁, 對於洗髮露嘅要求唔係好在意, 只要唔好“Cake”到我洗唔到頭就得, 因我已習慣向用護髮素時才用5指梳, 梳番順D頭髮。

(預告一下一句總結的說話：呢枝洗髮露真係好有驚喜!)

但今次, 真係要講下呢一枝好有驚喜嘅洗髮露

TRESemmé 維他命 E 深層滋潤洗髮露

Professional Look的包裝, 不會覺得它很美, 亦不會反感。

Made in Australia, 到底外國的品牌適唔適合我地香港人嘅髮質, 頭皮用完又會唔會敏感架呢? 官方產品介紹：蘊含豐富維他命 E, 專為乾性及受損髮質而調配。一方面滋潤強化髮質, 讓秀髮強韌富彈性。另一方面, 深層保濕髮絲, 提升秀髮質感及潤澤度！

睇下平日嘅我先, 一望落去就會覺得個髮好蓬鬆, 同埋頭髮好乾旱咁, 毛燥都好多。成日覺得頭髮蓬鬆乾旱的話望落去都會覺得自己污“Wea”D。

洗髮露是有珍珠白色的, 輕味都係清幽幽的, 但我想講, 摔落散發出來的味道很清很香, 越摔越香~~

輕輕摔幾下就摔到好多泡, 順勢將D泡擠向髮尾, 再摔, 咁髮尾就唔需要又另外加洗髮露啦~!

再用埋TRESemmé 維他命 E 深層滋潤護髮素 , 白色的, 較洗髮露杰身, 都是清幽幽的討好味道。

使用後的情況, 專登同樣地選擇向日光時影, 可以影得清楚D。

我用左TRESemmé 維他命 E 深層滋潤洗髮露及護髮素1次, 已經覺得有明顯效果, 平日一提到修護髮絲, 都一定會即是想起焗油呀、護髮素呀咁, 對於洗頭水嘅要求唔係好在意, 只要唔好“Cake”到我洗唔到頭就得, 因我已習慣向用護髮素時才用5指梳, 梳番順D頭髮。

但呢枝TRESemmé 維他命 E 深層滋潤洗髮露就唔同, 洗頭沖水時, 我已可以用5指梳梳得開D頭髮, 已經好順滑, 配合埋TRESemmé 維他命 E 深層滋潤護髮素, 我D頭髮嘅乾旱問題即時改善, 個髮都冇咁蓬鬆, 毛燥少左, 都仲有, 可能我的髮剪得實在太碎~~

最後忍唔住要再講多次, 洗頭階段已可梳順頭髮我已起碼10幾年未試過, 所以我覺得好正, 最重要係潔淨度都好好, 而且入秋冬了, 除左要轉衫、轉護膚品, 都要轉埋滋潤d嘅洗護系列防乾燥先得架嘛~!!!