孕婦都可以安心扮靚@Jane Iredale Amazing Matte Loose Finish Powder

從認識Jane Iredale呢個品牌之後, 就好喜歡佢~

雖然Jane Iredale內, 我有好多產品都未試過, 但都咁鍾意佢就係因為創辦人嘅理念~!

官方資料：

「創立人Jane Iredale深信，完美的妝容就是擁有健康的膚質。因此一直堅持化妝同時謢膚信念(THE SKIN CARE MAKEUP)，所推出的產品均選用醫療級天然礦物粉，結合珍貴天然有機護膚成份，並且嚴格執行不同成份測試，確保不傷皮膚，不會堵塞毛孔，而且產品均適合敏感性、暗瘡性皮膚及孕婦使用。深受醫學界所推崇，更榮獲The Skin Cancer Foundation 推薦。」

化妝同時謢膚, 再加上連孕婦都適合使用嘅產品, 確實比到我好大信心~! 大肚都可以安心扮靚, 每當身邊朋友仔大肚諗住護膚都唔敢做時, 我就會推薦佢地用 Juice Beauty 及 Jane Iredale 喇~

講返今次先, 今次我就有幸試用 Jane Iredale嘅 

Amazing Matte  Loose Finish Powder, 抱住試啱就唔再轉的心態, 因為產品的天然及安全性, 我是越來越重視的呢~

Amazing Matte   Loose Finish Powder (控油定妝蜜粉), 夏天上妝, 呢一個步驟係非常之重要的呢~

Amazing Matte made in USA, 保質期是開封後24個月內~

用法相信都唔需要多講, 就係底妝後最後一個步驟~

可按自己需要及習慣刺穿唔同數目嘅窿以控制份量~

產品內亦有簡易圖示說明書, 初學者都好易就明點用~

用蜜粉我就一定會用掃上~

我用掃沾上蜜粉後, 向蓋上打圈, 蜜粉就可以好均勻咁沾在掃上~

由左至右, 分別是素顏 => 上了 bb cream => 再用上 Amazing Matte Loose Finish Powder

用上 bb cream 後, 其實已遮了面上許多的瑕疵, 但明顯地, 用埋 Amazing Matte Loose Finish Powder 毛孔位係會遮得更加好~!

再放大d 睇下先~

明顯的黑頭、粗大毛孔同紅鼻子都冇左, 而且控油及定妝的效果也不錯~

 用 bb cream 其實都偏向易溶妝, 因為都易出油~ 而用埋 Amazing Matte Loose Finish Powder 後控到油, 所以個妝都真係 long lasting 左~ 控到油得來, 又唔會令到皮膚乾~ 而且感覺透氣唔焗身, 用左一段時間, 都冇起粒粒~

我大約會向外出 lunch 後再補一補 Amazing Matte, 補妝後都自然, 唔會成面粉咁嘅樣 :)

*試用產品由品牌提供~

潤白美肌@Sofina 潤白美肌防曬乳液 SPF50+ PA++++

一向也喜歡用 Sofina 的防曬, 主要用美白及抗皺保濕的系列, 反而'潤白'這系列的防曬我就未試過, 更何況是夏天, 見到個潤字都會諗：會唔會好淋架～　

而另一方面, 隨住日月洗禮, 我皮膚又真係成日覺得亁, 遇正有呢個試用, 就報名試下啦, 抽得中真開心呢~
講左咁耐, 今次試用嘅就係Sofina 潤白美肌防曬乳液 SPF50+ PA++++
(ALBLANC Medicated Day Emulsion )

講下個包裝先, 個樽都幾華麗, 驟眼睇以為有閃石在樽身上, 原來係凹凸的銀色造成的~! 包裝高雅得來成本又唔高 :)

一枝有30ml容量/ HK$390/ SPF50+ PA++++/ 12小時全面防禦UVA及UVB 

我用的是III : 適用於滋潤, 皮脂比較缺少, 眼角、嘴角等一些部位比較乾燥的肌膚
產品含有尤加利精華、白樺精華、柚子精華及洋甘菊ET, 透亮美白 、鎖住水分~

記緊按圖示, 全面用上2cm直徑的份量才足夠呀~

水盈的質地帶有淡淡的花香味, 很易推開, 一點也不黏膩~

防曬按圖示必須用上2cm直徑的份量才能帶比肌膚有足夠的保護, Sofina 潤白美肌防曬乳液勝在質地夠晒輕盈易推, 整個份量塗上面都唔會覺得焗促~

用上這防曬後暗黃的膚色有些改善呢, 喜歡佢有滋潤感得來真係唔會淋, 保濕感夠long lasting, 鎖水度很好呀~

Sofina內, 一路都未試過'潤白'系列的防曬, 一試之下, 咁多系列嘅防曬, 我最鍾意'潤白'~

慈禧白滑秘方@慈禧美嫩大浴沐浴乳

收到了一枝很「架勢」的試用品, 就是......

～慈禧美嫩大浴沐浴乳～

慈禧太后出名駐顏有術~

佢有龐大人力物力去為佢駐顏~

沐浴乳參考左慈禧太后的四大美白秘方~! 豈容忽視~

就係人奶 (產品以牛奶取代)、珍珠、人參及「玉容散」~

先看一看產品的質地~

奶白色的乳液, 當中有些金色含有美白成份的小顆粒, 一堆便會溶化~

我慣用起泡球沖涼, 每次沖涼只需用上1泵至2泵的份量就夠晒~

搓一搓就輕易地起到好多泡泡, 豐盈泡泡有助帶走身上的污垢, 而且厚厚的泡泡清潔得來, 仲可保護肌膚, 避免過度磨擦架~

用完「慈禧美嫩大浴沐浴乳」沖涼有咩感覺呢?

沖水時覺得夠乾淨得來, 肌膚又唔會覺得好'啜', 相反, 亦都唔會覺得沖極都好滑, 攪到會覺得沖極都唔乾淨架~

抹乾身體後, 又會覺得肌膚滑滑的呀, 而且夠保濕, 肌膚又滑又夠滋潤感~

*備註

由於未用過呢個品牌的產品, 所以都會花點時間睇下佢的安全性~

「慈禧美嫩大浴沐浴乳」來自碌柚葉公司~

沐浴乳PH值約 5.5, 親膚性呢~ 還含有天然氨基酸, 有助維持皮膚彈性及保持濕度~

使用無害原料, 保證「八無添加」：無添加甲醛、動物成份、塑化劑、人工色素、硅油、礦物油、激素、皂無鹼。

**產品由品牌提供**

惹味炭燒@The Grill Room

我就最鍾意惹味食物, 知道The Grill Room以炭燒食物為主, 就緊係要試下啦~

閒日的晚上, 唔需要等位, 但係都係滿座的~

有set dinner 就緊係食 set dinner 啦, 咩都有, 唔洗左諗右諗~

前菜揀左巴馬火腿溫泉蛋配黑松露筍沙律

主菜蜜糖柑桔汁燒豬腩肉配焦糖蘋果

甜品朱古力布朗尼配法式馬卡龍

巴馬火腿溫泉蛋配黑松露筍沙律

我好鍾意食黑松露的~

淡淡的黑松露味, 露筍好清新, 配上咸香的巴馬火腿, 很不錯呢~

露筍冇渣, 好嫩唔會老 :)

蜜糖柑桔汁燒豬腩肉配焦糖蘋果

呢個好味到不得之了~

外脆內軟~!

炭燒豬腩肉好香口, 個皮燒到脆卜卜~

一層層的肥瘦肉, 好嫩滑~! 再加埋甜甜的汁, 認真固味無窮呀~

而且, 伴菜的焦糖蘋果仲可以消濟去油添~

再去呢度食我一定會揀返呢個主菜~

朱古力布朗尼配法式馬卡龍

配埋雪糕, 涷涷地又好食d 又會令到brownie冇咁漏呢~

Macaron 都抵讚, 外脆內煙靱~

唯一係......我食完呢個餐, 其實係唔夠飽架......問心......我都唔算大食架喎......真架......

加多個黑松露鹽薯條~

其實冇咩黑松露味, 但勝在炸得夠通透, 所以我都會將佢列入好味之列~

營造透亮光感美白＠推薦Olay 全新升級高效透白光塑的美白精華

美白是我一年四季也在追求的, 正所謂一白遮三醜, 亞州人的黃皮膚, 一保養不宜, 就好容易變成「黃面婆」~

而我, 就常常覺得肌膚暗啞、欠缺光澤感, 還有些色斑呢~

但死實實的白, 比皮膚拗黑或「黃面婆」更可怕~

故我的美白原則, 白得來, 最重要是有透亮感~!

遇上 Olay 全新升級高效透白光塑系列, 系列的理念與我的美白理念相近, 實在是吸引呢~

Olay指出, 單單的白並不能解決問題，更重要的是你的肌膚透現多少光。帶出對於“光” 的定義：「光度」的三個關鍵是水潤度、淨白度和透亮度~

用了 Olay 全新升級高效透白光塑系列的三款產品：

高效透白光塑面膜精華液、

高效透白淡斑光塑精華(皇牌)、

高效透白光塑清瀅精粹油(新產品)~

高效透白光塑面膜精華液是有些厚度的水狀, 帶有微香, 用上面後很快就被肌膚吸收了~ 肌膚立刻變得水潤潤的~

之後, 就再塗上皇牌的高效透白淡斑光塑精華, 而用上精華時, 我就先滴了2滴Olay 新產品：高效透白光塑清瀅精粹油, 精粹油的香氣很 relaxing 呢~

到了一定的年紀, 除了保濕外, 還要補些油份才能令肌膚舒適的呢~

精華再加上精粹油, 真是很好的配搭呢~

用上Olay 全新升級高效透白光塑系列 2 星期後, 暗啞偏黃的肌膚有所改善呢~ 肌膚白得來很粉嫩透白呀~

評分：

水潤度：**** (以5*為滿分)

淨白度：**** (以5*為滿分)

透亮度：***** (以5*為滿分)

*產品由品牌提供~

長效豐盈保濕@OBAGI醫學保濕睡眠面霜

第一次使用來自美國的 OBAGI

用的是它的醫學保濕睡眠面霜 HK$720/ 48g

官方資料：

糅合嶄新 Hydromanil 高效保濕鎖水技術, 深層滋潤肌膚, 即時保濕, 長效鎖水, 配以細胞生長因子 Kollaren 及Coronoline, 修復肌膚組織, 更有效改善細紋及皺紋, 緊緻肌膚。

*講到明做過激光、彩光或果酸煥膚之敏感性肌膚都適合用, 可以長效保濕及修護肌膚~

啱晒我轉季易敏感時用呀~

OBAGI醫學保濕睡眠面霜是淡黃色的, 沒有香味~

如果容易對香料敏感的姊妹們, OBAGI呢款睡眠面霜就啱晒你地喇~

質地是較杰的 cream, 但不會難推開~

用左OBAGI醫學保濕睡眠面霜約兩星期, 都是每天所有護膚程序完成後晚上使用~

用後的感覺呢, 就係......

使用後即時覺得皮膚多左層保濕的保護膜用後感覺好rich~~

雖然產品質地唔算清爽而且較杰身, 但絕對唔會黏膩~

第二朝起身時, 如常的洗面, 洗完面後, 又覺得好似冇平時咁乾咁喎, 所以我覺得睡眠面霜的鎖水力都唔錯~

而家香港天氣時冷時熱, 長期轉緊季咁, 呢個時期用OBAGI醫學保濕睡眠面霜就啱晒, 係爭左個價錢係中上價~

純粹個人用後感~

***受邀於Beauty.Ulifestyle.com.hk及Obagi試用此產品

肌膚飽滿、重塑年輕@LOREAL PARiS 充盈導入系列

嘩~! 紫色好靚呀!! 冇錯, 我首先係比佢包裝吸引~

咁靚靚高雅包裝的, 就係~

LOREAL PARiS 

活力緊緻 透明質酸 

充盈導入系列~

「透明質酸? 透明質酸同抗衰老有咩關係呀?」

大家有這個疑問嗎?

LOREAL PARiS 話：「要保持肌膚年輕, 除左講究保濕及淡化細紋外, 亦與肌膚飽滿感有關~

而透明質酸就係維持肌膚飽滿感不可缺少的天然元素~」

講落又係, 如果肌膚唔夠飽滿, 就容易有鬆弛現象, 肌膚又會變得冇彈性, 睇落去個樣都會冇精神~ 衰老除左皺紋之外, 維持肌膚的飽滿感, 似乎都不容忽視呀~

逐一試上 LOREAL PARiS 活力緊緻 透明質酸 充盈導入系列~

先用的是~

充盈導入精華 $249/15ml

產品資料：LOREAL PARiS 首次以透明質酸的導入科技將高濃度-100毫克的純透明質酸導入肌膚, 從而填充面部肌膚的飽滿感~

針對部位係蘋果肌、面頰及下巴輪廓~

外表成枝針咁, 原來係真空密封設計, 以維持精華的純正度~

透白色的導入精華, 質地很易推開, 亦都好快被刖膚吸收晒!

氣味怡人並熟悉, 聞真d, 我覺得有點似家裡那枝 Escada 的香水味, 但當然, 香水的味會濃烈d啦~ 好鍾意呢隻味~

用完精華後, 再用埋~

充盈導入霜 $245/50ml

產品資料：LOREAL PARiS 首次以透明質酸的導入科技將微分子透明質酸及FIBROXYL抗皺及緊緻肌膚的活性成分導入肌膚, 撫平細紋、重塑肌膚飽滿感~

針對部位都係蘋果肌、面頰及下巴輪廓~

乳白色的導入霜, 質地同樣是很易推開、好快被刖膚吸收, 用後還添了一份潤滑感, 但感覺又很清爽~ 就好像有一層透明的保護膜在面上。

最後用埋~ 

充盈導入眼霜 $215/15ml

產品資料：LOREAL PARiS 首次以透明質酸的導入科技將微分子透明質酸及FIBROXYL抗皺及緊緻肌膚的活性成分導入眼周肌膚, 飽滿淚溝、修減眼袋及減淡眼紋~

針對部位：淚溝、眼袋及眼紋~

乳白色的導入眼霜, 附上軟膠的按摩棒~ 而我個人就較喜歡用返手指按眼~ 其實 LOREAL PARiS 已很貼心的用軟膠做按摩棒, 但我還是慣用手指, 更易就返力度~

導入眼霜能即時滋潤雙眼、減淡乾紋~

用上 LOREAL PARiS 活力緊緻 透明質酸 充盈導入系列三星期了, 而且這三星期還經歷了嚴冬呢~!

對我來說, 首先最明顯的效果是解決了我脫皮的問題：天氣太涷太乾燥了, 看看左圖, 就會見到我的咀角及眉心都有脫皮的情況, 用了LOREAL PARiS 這系列肌膚就夠晒水份, 冇晒脫皮喇~

而且肌膚仲更加飽滿、更有彈性, 飽滿的肌膚, 個人望上去都精神左呢~

而雙眼呢, 乾紋就減淡左, 淚溝的後半部份好似淺了些呢~

總結：主打肌膚飽滿感的 LOREAL PARiS 活力緊緻 透明質酸 充盈導入系列除了能令肌膚飽滿、有彈性及減淡乾紋外, 保濕度也很值得一讚呢~

*產品由 LOREAL PARiS 提供~

拯救秋冬髮絲@新升級Pantene乳液修護深層滋潤髮膜

幾個月前為了拯救髮絲, 狠心地將一大把曲髮剪掉了, 剩餘染過的直髮~

開叉、分岔、 斷髮的問題已有很大的改善, 然後, 我又開始懶惰下來了, 髮膜都懶得用~

踏入秋冬天時, 新的問題又來了~ 頭髮比之前變得更乾燥, 風一吹就特別容易打 click, 望上去髮絲又乾又旱又冇光澤。

Pantene出了新升級的乳液修護深層滋潤髮膜, 有新野就當然要試下啦, 亦唔可以再咁懶落去~

Pantene這髮膜有黠花味加果味的味道, 氣味很香, 乳白色的滑滑質地~ 髮膜是揭蓋式的, 使用時很方便, 這點很值得讚呢~

官方資料提到, 新升級Pantene髮膜集合了智能修護技術及髮芯滲透科技~

用後的第一感覺也不錯呀, 髮絲輕盈不黏膩~

而另一方面, 髮絲因得到了滋潤而增加了光澤感, 不再乾旱似堆草了~ 髮絲摸上手也滑了很多呢~ 見到成果, 就會有心機有動力繼續用~

*產品由品牌提供~