刺身燒海鮮串燒混集一身@K Square 3 Grill & Bar

都寫左幾篇食文喇~ 今次呢, 不如寫下自己地頭嘅餐廳啦~

K Square 3 Grill & Bar~

放工後即去食, 6點半嘅時間冇咩人, 咁就可以放心咁影下環境比大家睇喇~

大約 7 點幾就會開始多人~

環境企理舒適~ 不錯呀~

先來個前菜：介辣八爪魚~ 喂~ 好食喎~! 辣度剛好, 剛好令你覺得過癒~八爪魚唔會有渣~

揀左個2人份量的刺身~

其實刺身我有好多野都唔食, 刺身魚我只食三文魚~

但呢個刺身盛合咁啱我樣樣都啱食的~!

刺身夠新鮮, 夠涷~

當中, 個蝦又夠大隻, 又鮮味又爽口~ 不得了~

個海膽好甜好好味呀~

如果海膽唔夠新鮮食落會有陣我唔係好識形容的怪味, 而K Square的係好甜好好味~

三文魚肥美, 活赤貝爽口~

2杯飲品的色調夠浪漫同夢幻, 係女士拍照嘅景點 :)

淺紫色的是巨鋒提子疏打乳酸~

粉紅色的是士多啤利乳酸~

2杯都好飲, 對住佢地要2選1會立刻患上選擇困難症~

巨鋒提子的味同疏打好夾~ 而士多啤利果杯又好 fresh 喎~

燒石蠔同燒活鮑魚呀~

石蠔有芝士、蒜蓉同地獄3款味, 我揀左芝士&蒜蓉~

本來想 encore 燒石蠔, 後來吃飽了冇 encore~ 可想而知我對它的喜愛程度~

燒鮑魚都好惹味, 原味同新彊辣味各選人, 燒得好香呀~

到串燒系列喇~

最期待的是黑松露燒帶子~ 好味呀~ 帶子半熟夠 juicy, 黑松露好香~

下面果條叫黃金雞肉棒呀, 係混合左雞肉+雞軟骨 (我估), 口感同味道都好好~

燒安格斯牛柳粒又係好食, 有牛味、有咬口但又唔會韌~

蘆荀新鮮冇渣~

翠玉瓜好多水份消滯, 食得多肉的話食佢 fresh 一下就 very good~

點左芝士牛肝菇, 原來係平日食開的大啡菇~

一向都好錐意食大啡菇, 個人覺得冇左芝士更會食到大啡菇的菇香~

我一向都唔特別好鵝肝, 朋友點左鵝肝牛角包我就試一口, 鵝肝夾埋個牛角包超超好味的呢~!!! 好香~ 有陣好香的油味~ 唔知係另外加左牛油定還是鵝肝的香, 總之呢個好好味~!

冬菇同雞串都ok~

炸蝦天婦羅~ 我的必點菜~

蝦夠爽夠滑~ 仲有夠熱~ 冇得輸~

咸蛋黃薯條~ 咸蛋黃好香架~ 不過呢味比較漏, 有多d人分享會好d~

而栗米呢就好甜呀, 而冇渣, 條栗米好靚~

我個人喜好, 蔬菜類我鍾意原味, 最多加燒汁, 所以我食時會整走d芝士~

已經食到好飽喇~

最尾尾, 我要濕濕口, 有湯水先暖胃, 食埋豚肉豆腐鍋~

好完滿的一餐~

總的來說, 呢餐好正, 尤其是刺身同燒物, 燒野的海鮮類真係好正~

諗住一串串野又冇叫飯唔會好飽, 原來食食下都好飽下~

比利士朱古力芝士蛋糕@諾亞半熟蛋糕專門店

今次試嘅呢個蛋糕一定要同大家分享~ 因為我真係好鍾意食呀!!

佢就係諾亞嘅比利士朱古力芝士蛋糕~

平凡的外貌, 撕開紙後倒向碟先~

切開佢睇下先, 店員講解食法講解得好清楚好有心機呀~

佢話雪櫃攞出來即食的話, 中間果層 cheese 就會好似雪糕嘅 texture, 若想中間層 cheese 嘅 texture creamy d, 就可以向室溫放 1-5分鐘先~

我就緊係鍾意 texture creamy d啦~ 食落口感會滑d呀嘛~

其實諾亞買蛋糕有包埋紙碟同膠匙的, 方便大家~

不過我自己就鍾放向我的自家靚碟上食~

蛋糕的結構：

最上層係比利士朱古力、最底是朱古力海棉蛋糕~

再向內係海棉蛋糕夾住最中間的 cheese~~

最面的比利士朱古力好濃郁, 加上涷涷地, 入口即溶, 溶左之後好滑~! 好得~!

最中間的 cheese 唔會太膩, 算是較清的芝士口味~ 我很喜歡~ 最緊要係涷涷地食~ 好好味呀~ 我而家已經想再食~

改寫肌膚命運@ SK-II 神仙水

好開心可以試用SK-II 呀!!! 真係好令人興奮~!

試用嘅產品就係佢~~~ 神仙水~~~

查實神仙水我斷斷續續都已經用左好幾年, 想當年買最大size的215ml都只係$890, 而家要$1,160呀~ 真係時光飛逝!

要寫對神仙水嘅用後感, 對我來說就真係......易如反掌呀~!

我覺得SK-II 神仙水真係咩年紀都啱用~

日本製的神仙水, 是無香料的, 好多人都會形容佢陣味好怪, 我個人來就就好接受到佢嘅氣味, 用左咁多年了, 佢陣味都聞慣左, 所以已經唔會覺得怪~

未用過的朋友仔都唔需要太擔心, 因我估你初時用最多只係覺得佢陣味奇特、難以形容、怪、好得意, 但唔會覺得佢臭嘅~

佢呢陣咁獨特嘅氣味, 相信就係PITERA嘅氣味喇~ 話就每枝神仙水都蘊含超過90%嘅PITERA架~

SK-II 嘅野值得一讚呢, 就係會標明出產日及到期日~

用完去角質的爽膚水後, 我就會用 SK-II 神仙水~

倒出約$5的份量, 我會抹完面一次後, 再用同一化妝棉的另一邊輕拍面部, 自古到今已深深記入腦海, 就係要輕拍100次, 大約1分鐘, 而我通常未到1分鐘已經拍完了, 其實拍100下係好快的!

用左神仙水2星期後, 最明顯嘅係肌膚光澤感提升了~

但2星期對我的肌膚來說是一個很短的時間, 不如總結一下長用 SK-II 神仙水的感覺啦~

頭先提過 SK-II 神仙水我係「斷斷續續」的用左好幾年, 「斷斷續續」的用, 老實說神仙水真係唔平架, 所以都會轉用其它牌子的酵母產品, 但都係還是覺得佢最好 (暫時), 所以又會買返佢~

有咩好?

肌膚光澤感的提升是最明顯的, 冇咁暗沉, 看得出不是面泛油光, 矔骨位都會有光澤感的~

另外是水油的平衡, t-zone位冇咁易出油, 而且暗粒會少左~

用上一段日子後, 肌膚確是滑了的呀~

保持良好的肌膚, 係女性嘅終生任務呢~!

購買SK-II 小貼士：

買SK-II 當然要襯做set裝時買啦~

除此之外, 我仲會襯萬寧做HSBC promotion 時買SK-II, 而家有12%回贈呀, 即係等於再用88折的價錢買SK-II set呀! 再多一個 tip, 買萬寧coupon都得架, 咁就可以向自己有需要隨時好抵咁買SK-II 喇~

心郁郁想買stempower 條 line, 好想試下佢嘅 eye cream 同 eye mask 呀~

*產品由品牌提供