柑橘皮的力量@innisfree 生機蜜柑維C臻白毛孔雙重精華液

越接觸innisfree的產品, 就越喜歡它~~~

因為innisfree帶給肌膚的, 除了是護膚成效之外, 還有舒適感~! 感到肌膚的狀態穩定下來~!

大家又有留意innisfree 嗎?

innisfree 早前重點推介了生機蜜柑維C臻白系列的產品~

就是生機蜜柑維C臻白毛孔雙重精華液及生機蜜柑維C臻白雙重精華液~

2款產品相差毛孔二字, 好明顯左邊呢枝除左美白外, 仲有緊緻毛孔功效啦~

而右邊呢一枝呢~ 就係美白同保濕~

今次我呢, 就試美白+緊緻毛孔呢枝~

Eco Science White C Pore Double Serum

生機蜜柑維C臻白毛孔雙重精華液HK$320(30ml)

夏天到了, 除了美白外, 緊緻毛孔都好緊要, 一到夏天, 毛孔就會被油脂分泌撐大呀陰公……

平日想美白及收毛孔, 都需要用2枝產品處理, 都係第1次1 take過1枝產品攪掂~

圖中就係來自韓國濟州島西歸浦市的有機果園的柑橘~ 食落唔算好鮮甜, 不過就好清新, 好有柑橘味~

產品就係向佢嘅柑橘皮萃取豐富含維他命C同埋天然高效美白成份─桔皮素 (Tangeretin) ~!

唔好以為用皮cheap呀, 柑橘皮嘅營養仲高過柑橘果肉架~ 製作時仲用柑橘皮水代替清水~

影下產品外貌同講解啦, 精華素爽膚後用, 相信大家都識~

使用程序：潔面＞ 保濕液＞生機蜜柑維C臻白毛孔雙重精華液＞乳液 / 乳霜

開封後12個月好用完喇~! 一定得啦~!

官方資料：

²         富含64.8%的有機柑橘皮萃取物：

Ø          提供高效的抗氧美白營養

Ø          抑制黑色素形成及淡化色斑

Ø          抵抗自由基，讓肌膚回復幼滑剔透

²         精華液所蘊含的薄荷萃取物：

Ø          具鎮靜肌膚功效, 有助改善皮脂分泌, 平衡肌膚油分~

Ø          能清空毛孔內積聚已久的老廢物, 改善毛孔粗大問題, 重拾細緻肌膚~

雙管設計, 擠出來是雙色的(美白+緊緻毛孔), 即時再混合便可塗上面, 據說即時混合會令產品成效更佳呢~

生機蜜柑維C臻白毛孔雙重精華液帶有幽幽的香氣, 聞落都覺得好relax呀~~

使用方法：

取約5毫子份量, 柔和及均勻地塗抹於整個臉部及頸部, 輕柔按摩幫助充分吸收~

記住, 頭幾次擠出來時要用力D, 咁先擠到均勻嘅生機蜜柑維C臻白毛孔雙重精華液架~

用左一個月之後, 膚色真係白淨左喎~ 唔會咁暗黃~

又係果句, 最重要係肌膚的舒適感及穩定性~!

上個月分享過的美白產品用到敏感, 塊面又紅又癢, innisfree 呢枝生機蜜柑維C臻白毛孔雙重精華液當然唔會有呢重情況~ 少少拿拿地都唔會, 用後肌膚毫無副作用~ 確實很欣賞innisfree的4 FREE配方──無防腐劑, 無人工色素, 無礦物油, 無動物性原料, 能溫和保護每寸肌膚。

而緊緻毛孔方面, 生機蜜柑維C臻白毛孔雙重精華液確確實實控到油, 所以平日因油脂而撐大的毛孔, 都收儉晒~!! 想毛孔唔好咁大, 唔洗一味靠遮同補妝喇~! 而且控到油, 個妝都冇咁易溶~!

而對我的膚質來說, 只用生機蜜柑維C臻白毛孔雙重精華液還欠了一些東東, 就是保濕滋潤感~ oh no……又不小心透露了年齡的秘密……

所以用這枝生機蜜柑維C臻白毛孔雙重精華液前, 我會攞番冬天用的爽膚水(保濕液), 再加埋肌底液~! 臻白毛孔精華的好處係, 就算你用佢之前塗上多少保濕滋潤的, 用上臻白毛孔精華後, 面部都會保持合適的清爽度~! 絕不黏膩~!

*試用品由innisfree提供~!