敏感肌膚也合用的防曬@La Roche-Posay UVIDEA XL 水凝防曬隔離液

踏入最曬最曬嘅暑假喇~! 美美們都知道防曬係何其重要的呢~
多謝 U Beauty 及 La Roche-Posay 呢~~ 讓我可以一試出晒名抗敏的防曬品牌~!!!
今次用的就是~~La Roche-Posay UVIDEA XL 水凝防曬隔離液 (Auqa Fresh Gel)~~

SPF 30/ PA++++
配方含有抗UVA 的過濾系統及Mexoryl® XL, 有效抵禦長波UVA~~

產自法國, 信心保證~
30ml 的容量、開封後12個月內用完~

泵裝設計方便衛生呢~

泵出來是奶白色的, 很易推呀~
不含香料, 所以無香味, 但亦唔會有防曬的臭味, 這點很讚~

防曬當然是日間用啦, 護膚後用~
可作底霜~
除左不含香料, 仲不含Paraben此類的防腐劑呢~
是低敏的不致粉刺配方~!
仲經皮膚科醫生測試於亞洲敏感性皮膚~

塗上後, 白色變成透明~
面部望上去水嫩嫩的, 保濕效果不俗~ 
而由於這是一枝防曬, 故沒甚遮毛孔效果, 所以像我這些擁有粗毛孔的人, 當然要再加妝物啦~
最最重要是, La Roche-Posay UVIDEA XL 水凝防曬隔離液的用後感溫和, 唔會敏感呀~!

花漾卸妝去倦容@Holika Holika Seed Blossom 花漾潔淨山茶花卸妝油

韓風襲港左好一陣子喇~~ 
大家對Holika Holika呢個品牌就當然唔會陌生啦~!!!
今次參加 facebook  活動, 竟然有機會可以試用得到~~~登登登登~~~
Holika Holika Seed Blossom 花漾潔淨卸妝油
我這枝是山茶花卸妝油 (保濕花漾)~~

總共有4種架~
由左至右, 分別係~
保濕花漾 (山茶花卸妝油)
鎮靜花漾 (紅花卸妝油)
清爽花漾 (雪蓮山卸妝油)

滋養花漾 (月見草卸妝油)

Holika Holika Seed Blossom 花漾潔淨卸妝油系列, 以四種治療性花卉製造, 溫和而有效卸除妝容之餘, 更能潔淨臉上倦容。

註明韓國正版, 300ml/$238

喜歡標明到期日~~

仲有個安全扣添, 以防貨未到手就已經被擠出呀~

出完成日街, 個妝都甩左些少~

我的妝容用了：bb cream+cc cream+碎粉+眉筆+眼影+眼線+臥蠶筆+胭脂+唇膏

噢~! 原來擠出來是透透的淺黃色呢~

還以為是紅色添~ 原來得個樽紅~~

用法：都是乾手乾面用上面, 再加水乳化~

重點：加水乳化的過程要做得足呀~ 

一來咁先可以一take過卸得乾乾淨淨, 尤其是眼位呀~!

二來乳化過程做得足先唔會覺得油膩~

卸完了, 都幾乾淨喎~!

呢個就係我鍾意用 cleansing oil 的原因~!

我是混合性偏乾的肌膚

尊登卸完妝後唔搽任何野5分鐘~!

塊面都唔會繃繃緊, 個樣都冇咩乾紋出~!!!

另一方面又唔會覺得油膩~

仲會覺得肌膚滑滑的、軟軟的呢~!

根據Holika Holika姐姐的專業意見, 我唔會日日化全妝, 所以揀左呢枝保濕花漾都可以了~

如果我日日化全妝的話, 就用滋養花漾會好 d~~

而我就覺得呢枝保濕花漾 (山茶花卸妝油)都好保濕了, 很喜歡呢~~~

果然是無懼繃緊的體驗~ 

Thanks again for Holika Holika~!

回購之選呀~

白滑多用途面膜@FOR BELOVED ONE 熊果素肌因美白精華膜

第一次使用FOR BELOVED ONE的東東, 很期待的呢~!!!
今次用的, 就是FOR BELOVED ONE的熊果素肌因美白精華膜 (Advanced Whitening α-Arbutin Cream Mask)
睇個名, 大家都會知道這是美白的產品啦~!
很大個盒呢~~
這個透透的罌, 給人一點尊貴的感覺~

FOR BELOVED ONE是台灣出品~~
最喜歡產品註明有效日期~~
但要注意, 開封後的話, 就會3個月內用完呀~! 要勤力d先得~!

產品主要成份：α-熊果素複合物、ACTI-WHITE™、B-WHITE、及 Melaclear™ 及保濕因子玻尿酸～
使用方法有2種~
1. 護晒膚後先敷佢, 日日用都得~
2. 當cream mask 用, 洗面, 敷佢, 再護膚、上妝~

配上一枝膠棒, 確保衛生~
如膠棒再大一點會較好, 因可一次過取得所需份量~
奶白色的cream狀~
延展性高~

用完之後, 又好似真係白淨左喎~

FOR BELOVED ONE 熊果素肌因美白精華膜, creamy質地延展性高, 其賣點是含有濃度高至 3% 的 α -熊果素複合物與肌因淨白專利, 可抑制黑色素的生成、加快分解並減少肌膚色素沉積, 達到淨白、亮化膚色的作用。
用後望上去, 膚色亮白了一點, 更驚喜的是用後的滋潤感~!好似有一層薄膜包住你的肌膚咁~ 用後面部滑滑的呢~

she.com X 德福廣場@Shu uemura 自然夏日光感妝容

早前參加左 she.com X 德福廣場舉辦的 shu uemura 自然夏日光感妝容及造型教學~!
she.com X 德福廣場呢個組合又出現喇~! 成日都有活動可以參加, 真係好呀~!~!
多謝she.com、德福廣場及shu uemura呀~~

今次嘅節目好豐富, 玩得好開心呀~!
首先是化妝環節, shu uemura專業化粧師為我地示範Sharp醒上班Look及快手轉look做個性化造型去街街~

而原來, model來頭都唔細呢~!~!
 model是人氣Blogger 兼形象指導 Carrie Kwok ~!
仲介紹埋夏日潮流穿搭技巧~

最後, 仲有咳拉糖的環節, 個個參加者都好興奮, 咳糖斷糖的一剎那配上清翠的聲音, 好好玩呢~

最勁係小小的拉糖內有shu uemura 這組字~!!!

活動大合照~~

番到屋企繼續玩, 有咩好玩???
呢塊鏡好有驚喜, 原來有燈架!!!!!
好方便咁就可以照清楚塊面有冇搽野搽到一撻撻~~ 

當日活動的禮品(由左至右)
TSUYA光感新肌精華泡沫底霜SPF30 PA++ 30g
絲滑貼膚粉底液 SPF18 PA++ 764 10ml
TSUYA光感新肌精華 10ml
ultime8琥珀活肌潔顏油 20ml
精美光感化妝鏡

she.com x SOFINA保濕。美白新基準護理工作坊

非常感謝 she.com及SOFINA的邀請~!~!~! 真係好開心可以出席 < she.com x SOFINA保濕。美白新基準護理工作坊>

SOFINA的防曬有幾出名, 相信都不用我再多講~! 所以知道今次的工作坊可以一試 SOFINA 的 2 枝新防曬, 仲有新系列 (美白活膚護理系列) 的產品, 已經異常雀躍~!

門外除左擺放左美白活膚護理系列的poster外, 仲有 Primavista long keep base 的 poster 呀, 控油一流的 base~! 今次工作坊的主角, 大家都估到七七八八了吧~! 

再賣一個關子, 之後仲有驚喜!!!

到場洗完面後, 先做一個皮膚測試~~ 其實我很喜歡做皮膚測試的, 因家中不會有這麼專業的儀器幫我檢視肌膚狀態呀嘛~

上圖是我的皮膚, 下圖則是我年齡層的平均皮膚狀況~
SOFINA姐姐說, 我算不錯的了, 當時偷笑中 :)

但一看這幅圖, 就要扁扁咀了~
上圖是我的皮膚, 下圖則是理想的肌膚狀態~
我的只能勉強看得見3角肌紋呢~ 
SOFINA姐姐說, 剛洗完面來說, 算不錯的了~ 
但我望上去, 覺得差過以往的狀態, 要再努力~! SOFINA姐姐即時為我敷上3塊浸滿新產品: Sofina beauté whitening lotion 的化妝棉敷面~~

工作坊正式開始時, 就先介紹美白活膚護理系列如何誕生~~

再帶出持續型細胞間脂質對肌膚的重要性~
新系列還將不同精華, 如: 生薑、柚子、尤加利精華的含量也倍增呢~~ 還加入了桔梗根精華~

仲即場示範產品的塗抹方法~

講完護膚, 就緊係要講下化妝啦~!
不用我多仲紹吧~!  Primavista long keep base 是夏天必備的~
我平時少用粉餅, 因覺得好難塗得靚, 但學左SOFINA的太陽塗抹法後, 又好似幾得喎~! 番去再慢慢試下, 希望今個夏天真係可以同油光 say bye bye~!

最最後, 仲有驚喜~! 就係我最鍾意的做手作仔~!!!
靚靚的圖案來自??? 紙巾~!!!!!
剪下心愛圖案, 塗上防水膠水, 就完成了~

我的作品, 靚嗎?
多謝 she.com x SOFINA 預備了這個環節呢~~

最後化埋妝, 走人~ 很滿足~

帶回家慢慢用的產品~! (由左至右)

1.     Sofina beauté whitening lotion NEW!

2.     Sofina beauté whitening enriched emulsion NEW!

3.     Sofina beauté whitening day protector SPF50+ NEW!

4.     Sofina beauté whitening day protector SPF30 NEW!

5.     Primavista long keep base

6.     Primavista powder foundation <long keep>

嘩~! SOFINA好大方呀~! 為左令自己更儘興, 我決定即時開晒佢地黎用~! (其實新野到手, 點會忍得住唔開?!)

3秒肌底精華@innisfree Green Tea Seed Serum

每一個地方都有唔同氣侯同埋得質, 所以會適合種植唔同嘅植物~
而講到種綠茶的話呢~~~ 就緊係韓國濟州島啦~!!!
所以, 講到要用綠茶做主打成份嘅護膚品, 「識用一定用 innisfree」~~

今之主角就係~~ 
綠茶籽精萃水分菁露 Green Tea Seed Serum (HK$210/80ml) 
又名3秒肌底精華~~

相信對 innisfree 有些少認識的朋友仔都會認識佢嘅綠茶系列產品, 我想當年識 innisfree 都係因為佢呢~~

而2014全新升級版就如圖中所講：
綠茶採摘後的1小時新鮮期內會以新方法：壓榨蒸餾原液法鮮榨綠茶原液, 完美保留鮮榨綠茶濃度及純淨度, 所以係100%鮮榨綠茶精華~
而且, 綠茶籽的含量仲係舊版的2倍~
再應用了專利Dual Moisture-Rising Technology^TM雙重補濕提昇科技^TM
３者發揮相亙協同效應, 有助讓肌膚持久水潤的同時, 亦給予肌膚雙倍天然保濕抗氧力量。

而Green Tea Seed Serum 的成份還包括：
獲ECOCERT認證 的Green Complex成份：5種生長於純淨濟洲島上天然植物（濟州島有機綠茶、柑橘、仙人掌、山茶花、文殊蘭）
-相互協同發揮50種複合能量, 深度活化肌膚細胞機能, 締造健康肌膚。
維他命B5、甜菜素
-促進細胞成長及水分結合，提升肌膚補濕能力。

睇完新版有咩勁, 又睇睇基本資料先~~
80ml/ 開封後1年內使用~
用完後的膠樽可帶返 innisfree 回收, 為環保儘一分力外, 仲可儲分添~~
而最喜歡的, 就係列明出產日期~!!!

透透水潤的質地, 很易推開~~
氣味d都唔似平日飲用的綠茶味, 因為係未經發酵新鮮的綠茶葉製成嘛~~
總之, 氣味也是很討好的~~

而用法呢, 就要好好留意喇~!!!
英文名有Serum呢個字眼,實在太容易令人誤會而用錯喇~! 我的朋友就是其中的好例子, 好彩傾開後話返比佢聽個用法, 佢先得物有所用, 亦為 innisfree 討回公道 :P

使用程序及方法：

潔面＞綠茶籽精萃水分菁露＞爽膚水＞精華＞綠茶籽精萃水份精華面霜

潔面後, 在爽膚水前使用, 抓緊潔面後黃金3秒, 取約5毫子份量 (我會按2泵), 柔和均勻地塗抹於臉部及頸部。
輕柔按摩幫助充分吸收, 之後再塗抹爽膚水、精華、面霜及眼霜。

我潔面後照足指示, 3秒內立刻塗上面, 水潤質地很易推開, 最正係好快被肌膚吸收~!
無論Green Tea Seed Serum叫咩名都好, 憑佢使用的步驟, 我列佢為肌底液系列~~
值住呢個機會, 想比較一下我早前用的肌底液~~

首先是 Fancl~~
Fancl 的深層滋潤保濕液 ( deep moisture lotion ), 賣點是即時深層保濕及提升後續護膚品的滲透效果~
用後感：真是太淋了, 秋冬天用都覺得淋, 佢嘅淋雖然好有保濕感, 但就覺得肌膚唔係好吸收到, 令保濕液停留於肌膚表面~~
而亦都係因為佢嘅淋, 我亦感受唔到後續護膚品會更滲透, 反而好似阻住後續護膚品的吸收呢~~
所以最後, 我將佢比左媽咪用, 媽咪就覺得幾好, 好保濕~ 人夾人緣啦~!

另外就係好出名的 Lancôme Genifique
話實, 的確幾好用, 又被肌膚吸收得快, 又保濕, 用完塊面又滑~
但有一幣端, 就係用完Genifique後, 用防曬的話會起擦膠碎物體, 試左幾隻防曬都係咁, 所以日間唔用得~

而使用Green Tea Seed Serum後呢, 真係覺得佢有即時保濕的效果得來, 又唔會淋~
肌膚在清爽的感覺之下又有保濕的感覺~
對我來說, 肌底液這步驟的基本又重要的條件, 是要讓肌膚冇負擔的感覺~!
塗了Green Tea Seed Serum後的冇負擔水潤感, 確實為肌膚做好一個平台, 有時皮膚太乾, 真係會覺得塗上的東東唔係好吸到~

使用 Green Tea Seed Serum 後, 即時保濕了的皮膚看上去, 乾紋都即時消失了呢~
用上一個月後, 肌膚摸上去更柔軟了呢~~

告訴大家一個好消息~【Innisfree環保限定版綠茶籽產品】~
為慶祝6月份的環保月, Innisfree的皇牌孖寶產品－綠茶籽精萃水分菁露及綠茶籽精萃水份精華面霜, 亦特意換上環保限量版新裝 ! 容量多一倍, 但價格更優惠 !
綠茶籽精萃水分菁露 Green Tea Seed Serum 160ml / HKD 290
綠茶籽精萃水份精華面霜 Green Tea Seed Cream 100ml / HKD 280

 
*是次試用產品 Green Tea Seed Serum 由品牌提供~~