我會形容它們為防護罩及去白斑的美髮產品@VS sassoon

今次試左2款沙宣產品, 係全新鋒型塑感免洗潤發系列架~~~~~

我真係大鄉里呀, 其中一款產品, 我係從來未用過同類型0既相關產品, 亦都唔係好知有呢種產品, 而家知道左之後覺得勁勁勁正呀, 佢就係……

沙宣順滑提升防熱護髮噴霧

睇到個名, 估唔估到佢0既功用呢?

呢枝護髮噴霧係向頭髮造型前噴上, 乾髮或濕髮都得~~

產品獨有抗高溫鎖水聚合物分子, 特別針對風筒呀, 電髮器0既高溫挑戰, 有效對抗高達 140 度高溫傷害，同時提升秀髮保水能力、滋潤鎖水, 仲話有智慧記憶髮絲曲線，更利持久定型。

嘩~! 我真係唔知有美髮產品係可以吹頭前保護秀髮架喎。

平日吹頭都唔敢吹乾晒, 因為吹頭太勁覺得好傷, 攪到D 頭髮乾旱晒, 所以通常夜晚都唔會洗頭, 因吹唔乾就瞓覺的話真係一定會頭痛, 攪到點懶瞓都好都要晨早起身洗頭~~~

所以呢枝產品對我黎講係恩物, 不過最重要都係試下佢好唔好用先~!

我洗頭護髮後, 印乾水就均勻噴上沙宣順滑提升防熱護髮噴霧。

打定底先, 同時護髮, 幫頭髮加番個防熱保護罩 :P

使用前                                                           使用後

我都仲未用第二位主角, 淨係用左呢枝護髮噴霧, 摸上去頭髮順滑左好多, 睇上去整個髮型都貼服左, 冇咁亂, 中間剪得碎0既頭髮都唔會飛起得咁勁。

好喇, 到第二位主角~~~~

沙宣極緻亮澤修護凝露

修護凝露獨有光感保濕因子, 顯著提升造型光澤度與絲滑質感，瞬間安撫造型細節的不完美。

我吹乾左頭髮之後就用呢枝修護凝露, 透明液體狀, 按左2-3次, 首先向雙手手指均勻塗開，再均勻塗抹向頭髮上。

其實頭髮半乾用都得, 又或者造型後用, 以修飾不完美。

之前用左沙宣順滑提升防熱護髮噴霧後先吹頭, 頭髮已明顯順滑&貼服左, 但大家再細心D睇番上面張相的話, 就會發現我髮尾有好多白點, D 白點就係髮尾開叉又或者半折斷狀態, 所以我會重點塗向髮尾。

終極成果

頭髮更加貼服、有線條, 順滑方面更加唔需要我多講, 髮尾D白點近乎冇晒添 (其實我唔係好明白D白點為何可以即時消失, 咩原理呢? 初時只係諗住逐步改善開叉, 估唔到即時有成效 ^ ^ ), 睇下~~~~成個髮型好睇好多~~~~

唔好以為直髮冇咩攪, 其實直髮打理得唔好會好容易比人感覺污“wea”淩亂, 所以呢2枝沙宣產品真係好幫手。

我諗平日會用家用電髮夾0既朋友仔更加需要佢地添呀~~

而且最重要係……呢2款產品用上後感覺輕盈冇負擔, 一D都唔會覺得黏膩, 好清爽~!!! 所以整個髮型會變得更有動感~!!!

美白保濕去黃@Bio-essence Tanaka White 4X無瑕瑩白精華

近日真係曬到好似比太陽煎緊咁, 除左轉用左SPF 40 以上, PA+++ 0既防曬之外, 當然是要全條LINE 都轉用美白產品啦~~

全條美白LINE 中, 最具影響力的一環, 就係精華素, 今次想講下0既精華就係

Bio-essence Tanaka White 4X無瑕瑩白精華

好多謝 Bio-essence & theZtyle~~ 我终於等到了, 期待左好耐 ^^

Bio-essence呢個牌子聽左好幾年, 但就係第一次用佢0既產品, 我用左8日, 感覺唔錯, 詳情如下：

設計

泵裝設計好方便，份量變得很容易控制

質感

奶白色，推上面後就變透明了，很易推開，還有幽幽的香氣

成效

• 美白去黃方面，有一點點的幫助，膚色的暗黃改善了一點。
• 我重點拍了色斑的照片，但老實說，色斑也似乎是差不多。(雖然相片看上去好像淺了一點，但應該是光線問題，抱歉，我已盡量在同一地方拍的了)。

Before

After

• 使用無瑕瑩白精華後色斑不致於減淡，但也沒有加深。
• 但又說得公平一點，始終只是用了8天而已，色斑沒有減淡也很正常。

• 反而8天的體驗中，較明顯的是保濕度，將Tanaka White 4X無瑕瑩白精華塗上面後，吸收得很快，基本上，塗後皮膚就立刻吸收了，及後皮膚感覺滋潤。
• 又再一次讓我感受到，現今的美白產品又能兼顧保濕，真好～！最重要是產品不會刺激皮膚。

使用小TIPS

洗面爽膚後使用，我會於色斑部位再塗多一次，有時間時加上按摩。

話說回頭，講一下4X係咩來先，我都係估估下 :P

4X = 4重打黑高手 = 4種深層高效美白成份

達至：去黑、去黃、防斑、美白  

美白成份包括

塔娜卡樹皮精華  (Tanaka White) ™                                                              

萃取自緬甸獨有樹種THANAKHA塔娜卡樹皮，當中的天然美白因子有效阻隔紫外線對肌膚的侵害，淨白肌膚。Tanaka 樹皮精華更蘊含高效鎖水因子，為肌膚深層保濕，賦予肌膚透白清涼感。  

傳明酸  (Tranexamic Acid)            

高水溶性及高穩定性的美白成分，有“美白皇后”之稱，能迅速抑制體內酪氨酸酶及黑 色素細胞增生，強效截擊色斑或黑斑根源，防止色斑及黑斑形成，達至均勻亮白膚色 。

麴酸  (Kojic Acid)  

源取葡萄醣發酵之成分，於黑色素形成過程中，與銅離子作蜇合，抑制酪氨酸脢的活性， 繼而達到美白淡斑的效果。  

熊果酸  (Arbutin Acid)               

萃取自熊果  (Bearberry)  植物，抑制酪氨酸酶的活性，加速黑色素的分解與排泄，能深入肌膚底層淡化黑色素，還原健康白皙膚色。

對於成份，我很多時都是過目即忘，都是親身體驗一下產品最實際 ^ ^

良好遮瑕作用的防曬@Clarins 清透美白防曬乳杏色(BEIGE)

全新清透美白防曬乳已於4月1日推出

我用的是新的顏色：杏色(BEIGE)

夏天來臨了，在夏天使用防曬乳時，我最重視的是2個因素，

(1) 防曬度必須足夠、(2) 夠清爽。

先說第(1)點

防曬度：

Clarins 清透美白防曬乳有SPF 40, 夏天到了呀，平日用SPF 15或25都怕不足夠，而且還是PA+++的呢，UVA及UVB都能有效抵禦，阻止色斑形成、抗老化。

第(2)點

清爽度：

起初塗上的時候，有一點點的黏，正因這樣，產品亦比較易推，初時很擔心產品會維持著黏黏的感覺，但不消一會，產品就全被吸收了!!!非常之清爽，而且清爽得來唔會乾，唔會因為塗了產品而勁出面油。

而這枝防曬除了能滿足以上2個最重要的要求外，還有額外的驚喜呢～！

首先是杏色的Clarins 清透美白防曬乳有均勻膚色的作用，要遮掉面上的小瑕疵完全冇難度，在不想上妝的日子，塗上它亦很足夠，只是我的膚色較為「健康」，所以對我來說白了一點點，所以我都會繼續上粉底，不會單用。

另外，我相信產品亦有點防水的作用，因我活動了一天，流汗後，產品亦不會全脫落了。

最後想一提的，是產品表示能從內截擊氧化及肌膚衰老，截擊氧化聽起來真的很吸引，因氧化會為肌膚帶來很多問題，例如衰老，暗黃皮膚，希望繼續使用它除了能防曬外，亦能改善肌膚問題啦～！