抗污染、抗敏感@La Roche-Posay 抗污染護理組合

好開心抽中左 U Beauty 的試用呀, 一中就有3枝添：La Roche-Posay 抗污染護理組合~

品牌特色：Fragrance-free, Preservation-free and Paraben-free, 唔會怕敏感呀~

抗敏舒緩潔面泡(125ml)

抗敏全效修護面霜(40ml)

每日高效隔離乳-膚色(30ml)

La Roche-Posay 係法國品牌, 法國製造~

包裝上已標明有效日期, 很欣賞品牌註明呢個資料!

使用產品除左要睇有效日期外, 仲要睇埋開封後的使用期限呀~

3樣東東都是要於開封後12個月內用完~

抗敏舒緩潔面泡 (125ml)/ $240

官方資料：pH 值 5.3 與皮膚酸鹼值相近, 柔細的泡沫成分可溫和潔淨肌膚。含有甘油成份, 在徹底清洗臉上污垢同時, 亦可在皮膚表面形成保濕屏障。

無香精、防腐劑及乳化劑, 適合各種敏感及耐受性差的皮膚。

用法：取適量於掌上加水搓出泡沫後塗抹於臉上, 輕輕按摩後以溫水洗淨~

我鍾意用起泡網幫手, 起泡快好多~

好輕易就搓出好豐盈的泡沫~

豐盈泡沫向洗面時有助減低對肌膚的磨擦, 而且又夠晒乾淨, 但通常都較乾~

而La Roche-Posay 抗敏舒緩潔面泡呢, 用完後肌膚都唔會覺得太乾, 可能係因為有甘油成份~

夠晒乾淨又唔乾, 仲抗敏感添~ 讚~

抗敏全效修護面霜 (40ml)/ $290

官方資料：含有活性成份活性聚合肽（NEUROSENSINE）, 配合法國La Roche-Posay 温泉水, 可有效抑制因發炎癥狀而引起的敏感, 即時紓緩皮膚敏感症狀。

成份更加入了和人體的分泌相似乳木果油, 其脂肪酸與人體皮膚相近, 因此容易被吸收, 修復皮膚自然的屏障功能, 甘油則可為乾燥的皮膚即時補濕並柔軟肌膚。

用法：每天早晚潔面、爽膚後塗於臉上, 除左臉, 眼位都用得架~

泵裝設計, 奶白色的修護面霜沒有香味~

塗上面後感覺舒適, 很保濕, 乾紋消失, 保濕感仲可以 last 好耐, 唔會一到下午又覺得乾燥呢~!很適合轉季天及冬天使用~

這次轉季天, 多得有好產品, 面部沒有泛紅、痕癢、作敏感呢~

每日高效隔離乳-膚色(30ml) SPF 50 PA++++ / $290

官方資料：水包油劑型, 質感清爽不黏膩。

隔離乳很重要, 是面部阻隔外界污染的屏障, 這枝防曬彷彿好白, 但其實塗上面, 推開後又唔會太白, 仲好易推開添~

用了 La Roche-Posay 抗污染護理組合後, 實行先潔淨, 再保濕、打好個底, 再再用埋隔離乳後, 肌膚水潤得來, 面上即時去黃及均勻膚色, 面色望上去好了、精神了~

La Roche-Posay 抗污染護理組合除左抗污染, 仲抗敏感, 令人使用得好安心~

*受邀於Beauty.Ulifestyle.com.hk 及 La Roche-Posay試用此產品~ 

有機護膚化妝品、孕婦都適用@ Juice Beauty & jane iredale

早前參加左 Juice Beauty 十週年生日大派對~!

對這個派對是充滿期待的呢~ 因為 Juice Beauty是一個有機品牌, 產品擁有好多國際認証, 包括 USDA美國農業部有機認証呢~

更重要的是......看到單張中的公仔嗎? 孕婦亦適用~!

女士到左咁上下年紀, 除左要抗皺系列之後, 都總有需要在特定時侯用一D 孕婦都適用的產品~ 我有D朋友, 一有左就唔用護膚品, 其實搵得對你信得過的品牌及孕婦都適用的產品 , 咪可以 keep 住陀b 又keep 住靚囉~

而且, 就算唔係陀緊b, 連孕婦都適用的產品, 總是給了人一份額外的安心~

Juice Beauty 每樣產品都不用清水，選用加洲有機果汁，超過98%均是充滿護膚成份的果汁！蘋果果酸、白藜蘆醇、Q10、維他命C等~

共有四個系列, 包括有機幹細胞抗皺活膚系列、有機青蘋果美白煥膚系列、抗痘控油祛印系列同埋日常保濕護理系列~

向 Juice Beauty 十週年生日大派對裡面, 除左認識Juice Beauty更多外, 仲介紹了 jane iredale 呢個品牌, 選用天然及有機成份的化妝品, 不含阻塞毛孔及引致粉刺的成分, 同樣是孕婦都適用的呢~ 敏感及暗瘡皮膚亦都用得~

話明係 party, 緊係有得飲、有得食添啦~

食物好精緻、好有心思~ 食材都是天然為主~ 個牛油果醬好好食的呢~

最欣賞的是有個小遊戲, 主持人整左4款飲品比我地, 而4款飲品的用料, 係Juice Beauty 產品的成份來的呢~! 可想而知Juice Beauty 的產品有好多入得口的天然素材呢~ 但我掛住玩, 冇影低到飲品的相片添~ 太投入了!

Party 中親身感受左好多款Juice Beauty 及 jane iredale 的產品, 當中仲有2款產品示範左~

Juice Beauty 有機幹細胞抗皺活膚系列的 eye mask: 幹細胞海藻抗皺眼膜~

及有機青蘋果美白煥膚系列的Peel Full Strength~

2款產品都好吸引咁呢~ Green Apple Peel Full Strength 用上面後會面紅, 塊面紅晒初用者一定會擔心, 但煥膚產品有咁的反應係正常的, 所以呢類形的產品要試, 都一定揀好有人信心的品產先會試~

最後可以帶走以下產品返家試用, 包括~~
- Juice Beauty 日常保濕護理系列的 Cleansing Milk
- Juice Beauty 有機幹細胞抗皺活膚系列的抗皺精華、抗皺日霜及抗皺眼霜~
- jane iredale 大馬士革玫瑰噴霧~

Juice Beauty Cleansing Milk

幾年前用過的, 當時明明係覺得太笠, 好似洗唔乾淨咁~

但今時今日再用, 覺得超好用的呢!!!

到底係我變左定佢變左? :P

用完佢覺得洗得乾淨之餘, 塊面又唔會乾、唔會崩緊~! 好舒服~

我平日去街會塗上 base 或 bb cream, 用佢黎卸完全冇問題~

Juice Beauty 有機幹細胞抗皺精華

精華的質地普遍來說, 看上去比一般的精華杰身, 但其實是很易推開及很快吸收呢~!

這種質地有撫平細紋的效果, 塗上後皮膚變得很滑呢~

Juice Beauty 有機幹細胞抗皺日霜

一塗上面, 有陣陣的lemon grass 氣息飄出來, so relaxing~!

本身我很喜歡lemon grass的氣味, 未睇效果已經贏左一半~!

抗皺日霜亦是很易推開的, 滋潤肌膚得來一點油膩感也沒有!!

產品用上差不多一個月了, 整體的膚質改善了~ 想敏感想敏感的偶爾發紅沒有再出現呢~!

我面上最多細紋的地方, 就是眼紋再對下的位置~ 那些細紋在用上Juice Beauty 有機幹細胞抗皺精華及日霜有點改善呢~! 一橫橫的紋沒有那麼明顯了~

Juice Beauty 有機幹細胞抗皺眼霜

對我來說這枝是重頭戲~! 因為效果最明顯~ 可能係因為我眼下最多紋 :P

產品有埋按摩頭的設計, 唔洗花錢再去買枝眼部按摩棒~ 不過又咁, 我個人來就鍾意用無名指按多d~

用左又係差不多一個月, 眼下的細紋真係淺左好多呢~

用眼部產品最怕太潤會出油脂粒, 唔夠潤又會怕抗唔到皺~

Juice Beauty呢枝抗皺眼霜一d 都唔油潤, 但又做到抗皺效果, 好好用~!

jane iredale 大馬士革玫瑰噴霧

又一個 so relaxing 的產品~

幾時噴都得~ 個噴咀好好, 可以玫瑰噴霧噴得好散~

OL 用噴霧通常是為了保濕, jane iredale 大馬士革玫瑰噴霧除左可以保濕外, 仲可以滋養、緊緻、淨化、排毒及增加血液循環~

還有的是, 有淨靜功效!!! 大家有冇試過向 office 坐塵下塊面會痕痕地呢? 我就試過喇, 我估係冷氣機! 雖然冷氣機會定期清潔, 但都有唔係咁乾淨的時候, 又或者, 果陣子我皮膚狀態差d啦~ 總之就痕啦~

皮膚痕時噴一噴jane iredale 大馬士革玫瑰噴霧會舒緩到的呢~! 所以已將佢放左向 office 喇~

今次試用的Juice Beauty 及 jane iredale 產品, 覺得佢地好用之餘, 在用的過程中感覺好舒服, 最重要是成份天然有機, 孕婦都適合用呢~!

*以上產品試用由STP mineral therapy 提供~

STP mineral therapy  地址: 九龍旺角彌敦道580G-K 號彌敦中心6樓603室

STP mineral therapy website: http://stp-mineral.com/

潤澤透亮@Guerlain 幻彩流星活氧亮采保濕乳

Guerlain 給我尊貴的感覺~

她的幻彩流星活氧亮采保濕乳的包裝是磨沙瓶身配上銀、白色~ 很清雅呢~

泵裝設計很衛生~

這個泵很易拿扭捏到所需要的份量, 按幾深就出幾多, 唔會噴出來~

樽底標明製造地：法國~

開封後12個月內使用~

份量：30ml

擠出來是乳白色的, 而推開後, 會看見閃閃的, 再仔細看, 是帶有淺粉紅的閃閃白~

還擁有淡淡的香氣~ 很熟悉的氣味, 也蠻討好的~

保濕乳很易推開, 滋潤得來不會令肌膚泛油~

塗上面後, 肌膚有珍珠亮白感~ 看上去肌膚白滑了呢~

Guerlain 幻彩流星活氧亮采保濕乳含有旱金蓮提取物、「O2 Light」複合物、假葉樹提取物、甘醇、硅石微珠粒、聚合物微珠粒等 , 能促進細胞深處的氧分傳輸和氧循環，提升氧流量，肌膚變得紅潤的亮澤。

這產品的注氧概念是最吸引我的, 去黃都是靠充足氧氣的呀~ 試用上個多星期後, 看得見的, 是肌膚看上去白滑了~! 肌膚變得更潤澤, 就是滋潤得來又更有光澤感, 重要的是滋潤得來不會令我的 T-zone 位泛油呀~

也很喜歡當中的閃閃微粒, 讓肌膚的亮澤感來得很自然, 又能柔化毛孔位呢~

頭髮豐盈不扁塌@VS深層滋潤洗髮乳、潤髮乳

收到VS深層滋潤洗髮乳及潤髮乳, 很期待一試這產品, 因為我的髮絲確實需要滋潤, 但有滋潤功效的洗、護髮產品, 往往用完後也令頭髮很扁塌的呢~ 又或是一日唔夠, 個頭就已經變得好粘膩 >.<

而今次的VS 革新配方講明有不粘膩的效果, 讓你頭髮滋潤同時, 豐盈不扁塌, 髮絲更容易隨意塑形。

先講用洗髮乳的感覺, 洗髮乳淡淡的香氣, 很容易就搓起足夠的泡沫洗頭, 洗頭的過程已經能梳順頭髮 (平時邊洗邊打 click 的呀), 但過完水頭髮又會好'啜', 所以覺得洗得好乾淨~

用上潤髮乳後頭髮變得好滑, 吹乾頭髮後, 頭髮都係繼續咁滑, 亦見到毛燥減少左~

而另一方面, 頭頂的部入又唔會扁塌、唔會笠, 看上去有空氣感呢~ 頭髮顯得更有活力呀~

*產品由 P&G提供

自在串串燒@火山燒

成班人一齊食飯, 總有朋友特別喜愛食放題~

我從來都唔認為自己係能夠'回本'果個~ 不過一班朋友都係自在傾傾講講~

今次的放題就係串串串串燒喇~

燒野食其實我都幾在行架~ 最喜歡落超多蜜糖的呢~!~!

調味有蜜糖、燒汁同辣醬~ 仲有黑椒、鹽同七味粉~

爐內的是火山石, 店員介紹了燒烤的方法, 最左邊是最熱的, 最右邊就是保溫的~

大家都加左$88要個海鮮+牛柳粒

好大隻蝦呀, 蝦肉有彈性又有蝦味~

海鮮係店員主理的~鮑魚同螺都剛熟剛好~

牛柳粒都係加鹽同黑椒燒, 夠油花所以燒出來好香又夠淋~

各式的肉類~

牛仔肉、黑豚腩片、牛肩肉、羊肉 (我唔食的)~

仲叫左金菇肥牛同雞肉串~

牛仔肉同牛肩肉都好有牛味, 薄薄的一片好快熟, 輕輕加D鹽同黑椒調味就已經好足夠~

燒過的黑豚腩片唔會覺得太肥膩~

金菇肥牛在我心中係好好的配搭, 冇得輸~

而雞呢, 比較難入味, 所以要加勁多燒汁及七味粉先得~

尾聲就係我最喜歡的燒蔬果環節喇~

人大左, 肉食唔到好多, 反而尾聲燒下蔬果感覺juicy又夠 fresh, 很喜歡~

燒蔬果最緊要一路燒一路加得夠多'水', 咁先唔會太乾~

我就一路燒一路加蜜糖或燒汁~ 放心, 火山燒的燒汁唔咸, 不停加都唔怕~

火山燒的蔬果夠新鮮唔會爛, 所以基本上, 你放幾多心機就會幾好味~!

我燒的蔬果很受歡迎的呀~!

冬菇同雞脾菇都燒得好juicy 架~

燒菠蘿時加了勁多蜜糖呢~ 好正架~

重點推介一下蕃薯仔呀, 好甜架~!!! 食左好多粒~