TefuTefu 這個韓國品牌你認識嗎? 我早就在逛 Log On 時被那隻蝴蝶及清幽的香氣深深吸引住了~~~
TefuTefu在日語古文中是「蝴蝶」的意思, 象徵著每一位女士都如般美麗動人, 獨特且富有色彩, 在人生中不同階段一直蛻變成長, 每一個經歷都是塑造出女士最美的一面。
當時, 我買了這3樣東東~~~
最喜歡的是這枝清幽蘭的香薰噴霧, 可隨意噴於任何地方幫助除蟲殺菌, 我通常會噴於枕頭及被鋪, 清幽的香氣讓我睡得甜。
另外仲有薰衣草及白銀花的氣味, 薰衣草味仲可以驅蚊添~~~
而我選的清幽蘭, sales姐姐說, 是防敏感的~~~
sales 姐姐亦說明, 香氣不會太持久, 因始終是天然的~~~
個人感覺, 大約
keep 到幾個鐘啦, 第二日d味都已經散晒~~~
我仲推介埋朋友仔買, 佢買左白銀花味, 白銀花是最香的, 做香水都得, 不過我還是喜歡清幽幽的清幽蘭。
話說回來, 仲咩突然之間講起TefuTefu呢? 因為我上星期六就去左......
TefuTefu™ Skin Care美肌V面約會~~~
嘩~~~ 真係陣容頂盛, 司儀有李綺雯 (0靚妹), 又有文凱玲、夏尉喻同石天欣, 仲有著名化妝師、blogger & 女作家分享一下佢地嘅護膚心得、愛使用那種TefuTefu產品等等。
文凱玲、夏尉喻同石天欣 Role Play 左不同女士們的護膚需要, 順道介紹埋咩TefuTefu產品幫到手,
呢個介紹產品嘅方法, 又幾得意喎~~~
Role Play完仲有擺明大送禮的遊戲玩呢? 你地睇下參加者嘅表情幾開心~!!!
最最後, 仲示範左全套TefuTefu皇牌產品嘅使用方法~~~
場內仲有好多購物優惠, 最正嘅係……即場 Like TefuTefu Facebook Fans Page 或微博, 即時送你一枝 hand cream~~~ 好大枝, 真大方~!!! 真係唔怕你唔用, 最怕你唔試~~~
品牌送左幾樣野一試, 逐一講下先~~~
首先講左我最鍾意嘅......
「白之水滴」HK$238/150ml
「白之水滴」係一枝美白保濕去角質嘅產品, 成份包括TEHEPTAD™、紫草提取物、芒蘆薈、透明質酸鈉及膠原蛋白, 最鍾意嘅佢連眼部嘅敏感部位都可以用~!!!
成日都想幫眼下肌膚去角質, 但市面上真係冇咩品牌有呢類型產品。
用法好簡單, 只需於潔面後將「白之水滴」噴於乾面上, 「白之水滴」內含超細的粒子, 輕輕地在肌膚上打圈按摩大概15至30秒, 水質先軟化角質層, 再帶動磨沙, 減少磨擦, 不用一會就會見到有d灰白擦膠狀物質出現, 每星期使用兩至三次。
- 用左 2 次, 覺得「白之水滴」好溫和, 面上的瘡瘡亦不怕做了 peeling 而受到刺激引致惡化了。
- 用後皮膚滑了, 即時亦白了點, 用後皮膚唔會覺得繃緊,
用了 2 次來說, 「滑」比「白」維持得久一點。
- 介紹話可以向色斑位置上多打圈按摩, 以增強美白效果, 用左 2 次來說, 色斑就似乎未有成效, 不過我會繼續努力~!!!
做完 peeling 後, 最好就係做番個靚 mask 喇, 因為呢個時候, 皮膚吸收養份吸收得最好, 蝸牛系列我用過, 蜂毒系列就未用過, TefuTefu 嘅蜂毒系列今年4月先出, 唔怪得之前唔見佢啦~~~
蜂毒：被譽為天然安全的Botox, 具有緊緻功能, 極具保濕、高效舒緩抗菌，能瞬間提升皮膚的癒合性能。
好, 做完 peeling 就試下TefuTefu 嘅......
蜂毒塑形緊緻睡眠面膜
用法是超方便的呢~~~ 只需於潔面後直接塗上, 然後……敷過夜~! 講完~~~
連爽膚水都唔需要用, 係咪超方便呢~~~ 相信咁方便嘅產品, 男士們一定教容易接受。
- 透明狀的 sleeping mask, 用上佢嘅時候會聯想起香水, 並不是因為佢香到好似香水咁大味, 而是因為：香水向用上後, 唔同時段會有唔同香氣, 而蜂毒塑形緊緻睡眠面膜亦都係用上後的唔同階段有唔同感覺：
- 初塗上時：gel 狀物在肌膚上, 有些緊緊的感覺,
並不是乾的繃緊, 而是提拉的感覺。
- 塗上約10分鐘後：緊緻的感覺消失, 換來滋潤的感覺, 亦感受到皮膚慢慢的將產品吸收。
- 翌日：摸上面或額頭已不黏手, 皮膚感覺水潤飽滿, 亦滑了些。
這2款產品我也頗喜歡的~~~
最重要是, 用後也沒有敏感的反應, 我現在對敏感很敏感的呀, 不想再受苦了~~
最後講下呢個小家庭
樽身好硬, 所以就要扭開個蓋倒出來會方便 D~~~
就咁搓冇咩泡, 不過我沖涼時都用開起泡球, 所以好輕易就搓到好多泡~~~
薰衣草味讓人感覺輕鬆、舒服, Relax~~~
樽身真係好硬, 好難擠, 扭開蓋用先得~~
潤膚乳好易推開, 好快被身體吸收, 內裡滋潤得來, 皮膚外又保持清爽, 好用~~~
其實我覺得潤手乳的質感跟身體潤膚乳很相似, 亦是很快被吸收, 又夠滋潤。
快吸收很重要, 因為平日在 office, 塗上後就要趕緊工作, 手黏黏的工作就會很不方便呀。
TefuTefu有外表得來, 又有內涵, 今次TefuTefu的產品, 樣樣我都好鍾意, 除左多謝TefuTefu送我產品外,
亦多謝 Heidi 呀, 若不是透過她的Facebook Fans Page報名, 亦沒機會參與呢~~~
如果大家對 TefuTefu 的產品有興趣, 或想再多認識一點, 可以去他們的門市或 Like TefuTefu 的 Facebook 或微博
店舖地址
中環店中環地鐵站CEN E13號店（近E出口）
銅鑼灣店銅鑼灣告士打道280號世貿中心P3-P308A店
Landmark North店上水龍琛路39號上水廣場L3-307店
尖沙咀K11店尖沙咀河內道18號K11商場B2樓15號店（近N4出口）
觀塘apm店觀塘觀塘道418號apm UC -SP4號店
新蒲崗Mikiki店新蒲崗太子道東638號Mikiki商場G36店
長沙灣店長沙灣道883號億利工業中心305室〈美白藝術館〉
上水店上水龍琛路39號上水廣場3樓307店
大埔店大埔大埔超級城B區2樓OS-12號店
荃灣店荃灣大壩街4 -30號荃灣廣場一田百貨2樓
屯門店屯門屯隆街1號錦薈坊K-point 3樓1號店
TefuTefu™ facebook：
產品查詢熱線5304 3449
.jpg)
.jpg)
