含抗皺成分的CC Cream@Revlon Age Defying CC Cream Color Corrector

越來越多品牌出 CC Cream, 貪佢夠方便又自然, 今次一試Revlon Age Defying CC Cream Color Corrector, 有5重美肌力量：保濕、調色、修護、SPF30防曬及透薄遮瑕。

此CC Cream最特別之處, 是將抗皺功效加入其中~!

Revlon Age Defying CC Cream有兩隻色, 分別係010 Light 及 020 Light Medium, 當日向 iTrial Party Queen 活動中, 有機會試晒兩隻色, 我都係比較喜歡自然一點, 所以揀左020 Light Medium~

產品開封後24個月內使用, 保質期都算長。

產品設計都是一般的吱吱裝, 容易控制分量。

Revlon Age Defying CC Cream含有六胜肽、葡萄及虎尾草精華 (高效抗老減紋的成分), 亦含有桑樹精華、透明質酸、水解黏多醣和黃芩根萃取物等 (具美白和深層保濕功效)。

Revlon Age Defying CC Cream接近膚色, 沒什香味。質地不厚重頗易推開。

使用後肌膚明顯變得平滑, 妝感透薄自然。

含修護成份的底霜, 一向給我的感覺是較貼服, 這枝Revlon Age Defying CC Cream Color Corrector也不例外, 它能否抗皺我就尚未感受到, 但它的妝感的確透薄自然, 保濕度也不錯, 亦能均勻膚色, 所以妝容大致上也貼服, 用後不會出乾紋。只是在塗我那個粗大毛孔的鼻位時, 需要仔細的捽多幾下先撫平得自然。

建議中午時分可再補塗一下, 可能因為Revlon Age Defying CC Cream Color Corrector能推得薄, 所以數小時後面上瑕疵會有少許重現, 所以我會於中午時分補塗一下呢~

若想遮瑕度再高一點, 可將它當base的步驟用, 再上粉底。

原來甜酒好正@BAILEYS愛爾蘭忌廉甜酒

今次一試的東東對我來說很特別, 它就是~ BAILEYS~

這枝是就是BAILEYS的原味：Original Irish Cream愛爾蘭忌廉甜酒

我說的特別在於……其實我是不喝酒的~! 但竟然……請看下文分解~~

很多謝iTrial 讓我參與他們的Party Queen 活動, 讓我一把年紀都有新嘗試~!

BAILEYS除左原味, 仲有咖啡、焦糖及榛子果仁味~~

先試嘅係咖啡加冰, 咖啡好香, 雖然對我來說都係有D辛辣感, 但又真係估唔到咁易入口, 因為佢嘅咖啡香及甜, 令人不自覺地飲多幾啖~

跟住就試下原味BAILEYS加入石板街雪糕中, BAILEYS又幾襯咖啡同朱古力喎~! 好新的嘗試, 好特別的感覺~!

番黎仔細一睇……嘩~! 咩原來17%酒精成份架咩, 咁易入口, 真係唔覺唔覺~!

原味的BAILEYS, 淨飲對我來說都是比較辛辣, 始終我是初哥, 但加入雪糕、朱古力或咖啡中, 感覺又唔錯喎~! 很好的嘗試, 下一步試下加埋BROWNIE, 想像到佢地會好襯~!!!

我唔識評酒, 能評的就只有一些個人感覺, BAILEYS確實令我對酒有D改觀, 甜甜的, 口感帶點creamy, 很滑~! 又可以自己加東加西的去襯, 又襯得到喎, 用BAILEYS去襯唔同食品或飲品, 就好似自己整野食、整野飲咁, 即係……扮勁, 或者……扮 pro (professional), 感覺好有新鮮感, 三、五知己, 真係可以飲番杯喇~

黎緊係聖誕, 買番枝榛子果仁味去party 先, 好想試埋呢隻味呀~!

珍珠煥活膠原蛋白滋潤髮絲@LUX柔亮強韌洗髮護髮系列

LUX, 又係您, 呢個品牌向洗護髮系列中都幾有名架~~

今次就用您嘅LUX柔亮強韌洗髮護髮系列~~

柔亮強韌洗髮乳是珍珠白色的, 帶有微花香。

這系列的功能是深層滋養受損髮絲及預防分叉, 讓秀髮強韌閃亮~!

洗髮乳的起泡效果不錯, 搓幾下就有好多泡喇~

柔亮強韌護髮乳跟洗髮乳一樣, 亦是含有珍珠煥活膠原蛋白, 能撫平修護毛鱗片, 讓秀髮達致深層滋養、預防分叉及強韌閃亮~~

白色的較杰身, 又要襯這個時候用5指梳梳頭了~

用後秀髮滑了呢~

而望上去秀髮沒那麼乾旱及散亂, 更有光澤~

LUX柔亮強韌洗髮護髮系列都洗得幾乾淨, 乾淨得來不會令秀髮飛散乾旱~!

系列中含有的膠原蛋白還較護膚品所含的微細 100 倍以上呢~~ 那便可深入的滲透髮絲, 鎖住髮絲水份, 我也感到這系列用後, 秀髮的滋潤感也不錯呢, 而且秀髮更有光澤~!

至於秀髮的強韌度方面, 我的經驗就是跟之前的差不多, 每天掉下或洗護後的掉髮量都差不多呀~

總的來就, 這系列也不錯呢~ 踏入秋冬, 除了護膚品要轉季, 洗護髮系列也可考慮轉用這滋潤髮絲的LUX柔亮強韌洗髮護髮系列啊~!

水感去紋@PHYRIS緩釋胜肽抗紋精華

閃閃淺粉紅的PHYRIS緩釋胜肽抗紋精華很美啊~!

如果佢細樽D, 我真係會覺得佢似……閃閃指甲油呢~~~

功效唔需要我多講, 一睇呢張圖片就知道~~

含有緩釋胜肽抗紋精華 - 三胜肽及六胜肽等, 加強肌膚持續代謝更新, 達致緊緻之效, 讓肌膚回復平滑亮澤, 重現年輕膚質。

德國製造, 開封後9個月就要用完呀~~

泵泵裝的設計, 也頗衛生呀~

PHYRIS緩釋胜肽抗紋精華的質地非常容易推開, 亦很快被肌膚吸收呢~~~

而且, 閃閃的真的很美呢~!

塗上面後的效果, 最明顯是減退乾紋~!

我要一而再, 再而三的說, PHYRIS緩釋胜肽抗紋精華很美呢~~~

閃閃的淺粉紅色, 塗上面後, 面部就因那閃閃的而富有光澤感~! 放心, 是很自然的光澤感~~

及後的感覺是, 精華很快就被肌膚吸收了呢, 面部即時很滑啊~!~! 一點都不會黏, 但又感受到面部的保濕了, 看上去, 乾紋也改善了呢~!

這幾天又乾燥又涷, 中午時分我還會將精華印於面上, 就算上妝後印上都不會影響妝容, 面部即時水嫩嫩的呢~

貼心又放心的激光脫毛毛療程@銀座Calla

上星期去了一個我心思思想做好耐嘅活動, 就是去激光脫毛毛喇~!

這篇文章是與銀座Calla合作, 去親身體驗佢地嘅服務, 多謝 she.com 的邀請呢~~~

聽銀座Calla姐姐講, 原來銀座Calla向本年9月先殺入黎香港, 第一間香港店位於中環遲D仲會向尖沙咀開分店添~!

中環店位於中環皇后大道中 110-116 號永恆商業大廈 17 樓全層, 接待位置唔算大, 但感覺乾淨整潔, 而且職員的態度也很好~~

銀座Calla姐姐先帶我到這間房間講解激光脫毛技術是怎樣的一回事, 做激光脫毛有什麼地方需要留意, 務求讓你安心放心的進行激光脫毛毛~~

傾談中令我印象最深刻的是：佢地有療程無效就退款嘅保證~!

雖然銀座Calla向香港咁新, 但去試做我一D都唔擔心, 因為銀座Calla係日本進口貨, 已經成立左20年, 向日本已經有29間專業脫毛連鎖專門店, 上海都有3間。而且香港工作嘅治療師都需要去日本受訓, 仲要考核合格先會正式受聘~~

下圖就係進行激光脫毛毛大約的流程：

(1) 用剃毛機剃左毛毛先；

(2) 在我的小腿上mark位, 確保成條腿都做晒；

(3) 進行激光脫毛毛前用上「美肌潤美」保濕噴槍療程, 幫助冷卻及滋潤肌膚；

(4) 再塗上涼涼的、透明的冷凝膠, 以消除肌膚損傷, 預防光的漫反射, 提高脫毛效果；

(5) 進行激光脫毛毛後再來一個「美肌潤美」保濕噴槍療程；

(6) 做完前面做後面, 最後仲會塗上潤膚露。

²  過程中治療師每做一步都會細心講解, 比晒心理準備你, 中段又會問下我感覺如何, 確保我ok~~

²  進行激光脫毛毛時的感覺是“吉吉地”, 都唔算痛, 比我想像中好得多~!

²  尤記得數年前做腋下的……忘了是激光還是彩光脫毛毛時, 我的感覺是痛得像被火燒一樣!!! 不由自己控制的標眼水, 還要深呼及定神!

²  聽說毛髮越粗越黑,  激光療程就會越痛, 不知是我腋下的毛毛太粗太黑, 還是這次有「美肌潤美」保濕噴槍療程及冷凝膠的幫助, 總之, 今次激光脫毛毛的過程感覺非常良好~!~!~!

²  治療師跟我說療程後可能會有點紅, 叫我記緊多塗保濕及3日內不要用太熱的水洗澡~~

²  而我的實況是：又唔多紅喎, 冇咩特別, 很好呀~

²  為了根據毛髪生表週期有效脫毛, 大約個半月至2個月後再去進行激光脫毛毛療程, 做多幾次後再同大家報告~~~

***在銀座Calla網頁中發現了一個超抵優惠, 雙腋下、上唇、手背手指或腳背腳趾, 任何的其中一部位 $388 任做, 仲包埋「美肌潤美」保濕噴槍療程, 我當日問過銀座Calla職員確認過此優惠, 真係做到ok為止, 不限次數~!!! 有興趣可去佢地網頁睇下或聯絡佢地親身問一下~~

銀座Calla 公司資料：

銀座 Calla

電話 : 2343 5338

地址：香港中環皇后大道中 110-116 號永恆商業大廈 17 樓全層

HK Shop Website: http://www.ginza-calla.com.hk

Facebook: www.facebook.com/ginzacallahongkong

Facebook搜查：銀座Calla

*激光脫毛療程由銀座Calla提供

輕盈清爽自然@ LUCIDO-L 輕柔曲髮泡沫

來自日本的LUCIDO-L, 之前都用過佢嘅gel頭產品, 不過呢隻……

~~ LUCIDO-L 輕柔曲髮泡沫~~

就第一次用~~~

官方資料：

含嶄新豐盈粉末, 泡沫質地更輕盈清爽, 明顯減低黏膩感。

效果自然、無硬繃, 有效塑造輕柔、鬆曲造型，髮型更立體。

用於微濕髮上, 我會用2-3個乒乓球大小的泡沫, 由下至上揉抓於髮上~~

官方建議可再抓握頭頂並提拉髮根, 塑造空氣感。

使用前後對比照, 剛塗抹於微濕髮上後, 秀髮頓時捲曲起來, 而且LUCIDO-L 輕柔曲髮泡沫的氣味很宜人呢~~

當然要睇埋過左成日(12小時後), 曲髮嘅持久度啦~~

秀髮依然捲曲、輕柔清爽富彈性~~

LUCIDO-L 輕柔曲髮泡沫賣點係營造鬆軟輕盈感嘅曲髮泡沫, 用於微濕髮上, 氣味清新的微濕髮上, 用後秀髮頓時捲曲起來, 濕髮時秀髮的捲曲度會比秀髮乾透後好, 這也是理所當然的~~~

而LUCIDO-L 輕柔曲髮泡沫的持久度也蠻不錯的呢~!

初用時, 由於秀髮的效果實在很清爽輕盈, 毫無黏膩感, 所以還以為持久度會一般般的, 但原來也保持達12小時呢, 效果很自然~

我的曲髮已是「末期」, 所以很難弄得很曲很曲的樣子了。個人的喜好, 是在這時期用保濕度高, 會令頭髮贅一點的泡沫, 因為怕太大volume的話, 捲曲度不足的頭髮變得鬆散, 所以我用這LUCIDO-L 輕柔曲髮泡沫時, 也不敢抓得太厲害~~

按個人的喜好, 抓出這樣的秀髮形態很自然呢~ 

補濕的哲學@philosophy hope in a jar

能夠成為philosophy challengers之一, 真係好高興呢~~~

本身對呢個品牌嘅觀感都唔錯~

今次可以試到嘅係hope in a jar系列, 有日又有夜, 日日夜夜咁滋潤肌膚~!

白色的hope in a jar日霜有3款比大家選擇, 以切合不同肌膚嘅需要：

hope in a jar零油分高效補濕啫喱；

hope in a jar高效補濕乳（適合任何肌膚）；

hope in a jar極潤高效補濕乳（適合一般至乾性肌膚）。

一向都是混合性肌膚的我, 在與philosophy ambassador 的商討下, 最終竟然選擇了……hope in a jar極潤高效保濕乳~! 冇錯, 係最潤果隻~!!!

因為, 入秋冬後, 我真係覺得好乾, 每日一到中午後, 塊面就繃繃緊~!

密封式設計, 感覺非常好~!

hope in a jar極潤高效保濕乳的質地好滑, 塗上面後, 先是白色的一層, 還在擔心吸收得唔好時, 按按下, 就吸晒了~!

塗上後感覺真的非常滋潤, 最正係hope in a jar極潤高效保濕乳可以當埋底霜用, 用完佢, 待一會後, 就可以直接塗上粉底, 好方便呢~~

除左即時感到滋潤外, 用上幾日後, 就算到中午時分, 塊面又真係冇再繃繃緊了~!~!

當然, 我相信我得到嘅滋潤感除左係日間嘅hope in a jar極潤高效保濕乳外, 夜間嘅hope in a jar night高效嫩膚霜都有相當的功勞~~

hope in a jar night高效嫩膚霜的質地比日霜厚身, 與日霜相同的感覺是……雖然質感厚, 但按按下, 又被肌膚吸收了~!~! 同想像有D唔同, 厚身的嫩膚霜但又好快吸收到, 睇番介紹, 可能係因為產品有專利配方咖啡因分子qusomes技術, 有助將成分干醇酸深入滲透皮膚表層。

hope in a jar night高效嫩膚霜真係夠晒滋潤, 用後唔單止日間面部唔再繃繃緊, 而且乾紋明顯有所改善, 肌膚亦回復光澤感, 肌膚滑滑的, 最重要係滋潤得來唔會令到我起粒粒~!

這個冬天幸好遇上它們, 為我的繃緊肌膚回復滋潤保濕~! 多謝philosophy ambassador的意見, 原來混合性肌膚, 都啱用滋潤的東東~

*產品由philosophy 提供

My Contact: hipopig@hotmail.com.hk (歡迎邀約試用及活動, 謝謝~!)